Սոցիալական փաթեթի հաշիվ

• • Սոցիալական փաթեթի հաշվի բացումը իրականացվում է անձը հաստատող փաստաթղթի և հանրային ծառայության համարանիշի տվյալի /սոցիալական քարտ/ հանրային ծառայության համարանիշի /սոցիալական քարտ չունենալու տեղեկանքի ներկայացմամբ: Անձի մոտ փաստացի հանրային ծառայության համարանիշի տվյալների /սոցիալական քարտի / հանրային ծառայության համարանիշի /սոցիալական քարտ չունենալու տեղեկանքի բացակայության դեպքում Բանկը Հաճախորդի համաձայնությամբ տվյալները ստանում է ԷԿԵՆԳ համակարգից: Ներկայացված փաստաթղթերի էությունից ելնելով, ինչպես նաև հաճախորդի ռեզիդենտության կարգավիճակը պարզելու համար «ՎՏԲ-Հայաստան Բանկ» ՓԲԸ-ն (այսուհետ՝ Բանկ) կարող է պահանջել լրացուցիչ փաստաթղթեր և տեղեկատվություն
  • Սոցիալական փաթեթի հաշիվը բացվում է Պայմանագրի ստորագրման օրը: Պայմանագիրը կնքվում է անորոշ ժամկետով, եթե այլ բան նախատեսված չէ հաշվետիրոջ հետ կնքված պայմանագրով
  • Սոցիալական փաթեթի հաշվի նվազագույն մնացորդ սահմանված չէ
  • Սոցիալական փաթեթի հաշվին հաշվեգրվող տարեկան տոկոuադրույքը սահմանվում է 0%, որի փոփոխման  վերաբերյալ Բանկը Հաճախորդին տեղեկացնում է վերջինիս կողմից Պայմանագրով նախընտրած ծանուցման եղանակով` փոփոխման oրվանից առնվազն 15 oրացուցային օր առաջ: Բանկի կողմից բանկային հաշվի համար վճարվող տոկոսների չափը նվազեցնելու դեպքում տոկոսների նոր չափը կիրառվում է մինչև Հաճախորդին տոկոսները նվազեցնելու մասին տեղեկացումը` համապատասխան հաղորդման օրվանից մեկ ամիս անցնելուց հետո, եթե այլ բան նախատեսված չէ պայմանագրով
  • Բանկը երաշխավորում է Հաճախորդի կողմից կատարված գործառնությունների գաղտնիությունը՝ համաձայն «Բանկային գաղտնիքի մասին» ՀՀ օրենքի
  • Սոցիալական փաթեթի հաշվի գծով պայմանագրի պայմանների կամ կողմերի իրավունքների, պարտականությունների կամ պատաuխանատվության uահմանման, փոփոխման դադարեցման վրա որևէ ազդեցություն ունեցող Բանկի ներքին ակտերի փոփոխման դեպքում, որը կհանգեցնի տարեկան տոկոuային եկամտաբերության փոփոխման, Բանկը նոր պայմանների վերաբերյալ տեղեկացնում է Հաճախորդին վերջինիս կողմից ընտրված տարբերակով` տարեկան տոկոuային եկամտաբերության փոփոխման oրվանից առնվազն 15 oր առաջ
  • Սոցհաշիվների այն միջոցների վրա, որոնք հատկացված են/փոխանցված են սոցիալական փաթեթի շրջանակներում, բռնագանձում չի տարածվում և ըստ հաճոխորդի ցանկության այդ սոցհատկացումները կարող են միայն փոխանցվել Սոցփաթեթի շրջանակում հատկացվող ծառայությունների դիմաց վճարման նպատակով

Սոցիալական փաթեթի հաշվով կարող են իրականացվել հետևյալ գործառնությունները`

• միայն ՀՀ օրենքով սահմանված սոցփաթեթի գումարների մուտքագրում
• ելքագրումներ թույլատրվում են միայն ՀՀ օրենսդրությամբ սահմանված կարգի համաձայն
• անկանխիկ փոխանցումներ թույլատրվում են միայն ՀՀ կառավարության կողմից ներկայացված համապատասխան ցանկի շահառուներին՝ ծրագրի շրջանակներում հատկացվող ծառայությունների դիմաց, մասնավորապես՝

1. Հիփոթեքային վարկի ամսական վճարի մարում
2. Ուսման վճարի փոխանցում
3. ՀՀ-ում հանգստի ապահովում
4. Առողջապահական փաթեթի մեջ չներառված լրացուցիչ ծառայություններից օգտվելու վճարի մարում
5. Մարզա-առողջարարական և սպորտային համալիրների, լողավազանների և այլ սպորտային կազմակերպությունների ծառայություններից օգտվելու վճարի մարում
6. Պետական սուբսիդավորմամբ ուսանողական վարկի ամսական վճարի մարում
7. Սոցփաթեթի Շահառուին փոխկապակցված անձի համար ապահովագրավճարի մարում

• տեղեկատվական ծառայություններ (քաղվածքներ, տեղեկանքներ)
• այլ գործառնություններ

Հաշվով գործառնություններ կատարելու համար պահանջվող փաստաթղթեր։

Սոցիալական փաթեթի հաշվի Սակագներով սահմանված միջնորդավճարները կամ այլ ծառայության վճարները, առաջնահերթ  անվիճելի անակցեպտ կարգով գանձվում են Հաճախորդի ՀՀ դրամով հաշվից/ներից, վերջինիս/ներիս վրա միջոցների բացակայության կամ անբավարարության դեպքում` Հաճախորդի գործարքի առարկա հանդիսացող հաշվից/ներից,  վերջինիս/ներիս վրա միջոցների բացակայության կամ անբավարարության դեպքում` արտարժույթային այլ  հաշվից/ներից,  որի արդյունքում արտարժույթի` ՀՀ դրամի փոխարկումն իրականացվում է փոխարկման պահին ՀՀ ԿԲ կողմից պաշտոնական կայքում հրապարկված փոխարժեքով:

Սոցհաշվից արգելվում է կատարել գումարների կանխիկացում, բացառությամբ այն դեպքերի երբ`

• Հաճախորդը ստանում է կենսաթոշակ ստանալու իրավունք և ներկայացնում է Բանկ համապատասխան կենսաթոշակային գրքույկը կամ կենսաթոշակային տեղեկանքը, ընդ որում միաժամանակ անհրաժեշտ է, որ հաճախորդի Սոցհաշվին բացակայեն Սոցփաթեթի հատկացումներ վերջին սոցհատկացումն ստանալուց հետո առնվազն 3 ամսվա ընթացքում
• Հաճախորդի մահվան դեպքում` ժառանգի կողմից համապատասխան փաստաթղթի ներկայացման դեպքում
• Այն դեպքում, երբ Հաճախորդը դիմում է Բանկ հաշվետու/ընթացիկ տարվա հունվարի 1-ի դրությամբ իր Սոցհաշվում առկա մնացորդը կանխիկացնելու ի հաշիվ «Կուտակային կենսաթոշակների մասին» ՀՀ օրենքի հիման վրա կատարված/կուտակված սոցիալական վճարների: Տվյալ դեպքում Բանկ է ներկայացնում «Նախորդ տարվա ընթացքում իր կողմից ստացման ենթակա աշխատավարձից և/կամ ձեռնարկատիրական եկամուտներից հաշվարկված ու փաստացի Մասնակիցների ռեեստր վարողին փոխանցված սոցիալական վճարների չափի մասին դիմում» հարկային մարմնից տեղեկատվություն ստանալու մասին
• Այն դեպքում, երբ Հաճախորդը դիմում է Բանկ հաշվետու/ընթացիկ տարվա հունվարի 1-ի դրությամբ իր Սոցհաշվում առկա մնացորդը կանխիկացնելու ի հաշիվ  իր  կամ իրեն փոխկապակցված անձի համար ապահովագրության հիմնադրամին փոխանցված ընդհանուր գումարի չափով փոխհատուցման։ Բանկը առցանց եղանակով կատարված հարցման միջոցով ապահովագրության հիմնադրամից ստանում է կատարված/կուտակված սոցիալական վճարների, վճարված գումարի չափի մասին տեղեկատվություն

• • Սոցիալական փաթեթի հաշվին դրամական միջոցների մուտքագրումը և ելքագրումն իրականացվում է մեկ բանկային օրվա ընթացքում
  • Հաշվում դրամական միջոցների առկայության դեպքում, այդ միջոցները դուրս են գրվում Հաճախորդի կարգադրությունները և դուրս գրման այլ փաստաթղթերը Բանկ մուտք լինելու հաջորդականությամբ (օրացուցային հաջորդականությամբ)
  • Այն դեպքում, երբ Հաճախորդի  հաշիվներին  առկա գումարները բավարար չեն վճարման հանձնարարականը կատարելու և դրա համար սահմանված վճարը գանձելու կամ արտարժույթի փոխանակման գործարքն իրականացնելու համար, հայտը վերադարձվում է Հաճախորդին առանց կատարման, ընդ որում, Բանկը նման դեպքերում պատասխանատվություն չի կրում Հաճախորդի կարգադրությունը չկատարելու հետևանքով նրա կրած վնասների համար
  • Սոցիալական փաթեթի հաշվի  նկատմամբ  ժառանգության ձևակերպումը կատարվում է ՀՀ օրենսդրությամբ սահմանված կարգով
  • Հաճախորդը Սոցիալական փաթեթի հաշվի քաղվածքի ստացման եղանակն ընտրում է հաշվի բացման պահին (էլեկտրոնային փոստով, փոստով, Առցանց հարթակով): Հաճախորդի պահանջով Բանկը պարտավոր է 1 աշխատանքային օրվա ընթացքում վերջինիս տրամադրել Հաշվով քաղվածք Սակագներին համապատասխան: Բանկը պարտավոր չէ քաղվածք տրամադրել, եթե հաշվետու ժամանակաշրջանում Բանկային հաշվով շարժը բացակայում է (հաշիվը չի դեբետավորվել կամ կրեդիտավորվել)

• • Հաճախորդը Սոցիալական փաթեթի հաշիվը կարող է փակել և տեղափոխել այլ Բանկ միայն նոր բյուջետային տարում՝ նախքան սոցիալական փաթեթի ընթացիկ տարվա առաջին գումարի փոխանցումը: Հաշվին առկա դրամական միջոցների մնացորդը Հաճախորդի հանձնարարությամբ ներկայացված այլ բանկում բացված Սոցհաշվի տեղեկանքի հիման վրա փոխանցվում է տվյալ հաշվին
  • Հաճախորդը կարող է փակել հաշիվը, եթե հաշվին բացակայում է մնացորդ և Բանկ է ներկայացրել աշխատանքից ազատումը հաստատող փաստաթուղթը
  • Հաշիվը փակվում է Հաճախորդի կողմից Հաշվի փակման դիմում ներկայացնելու պահին

Ուշադրություն՝ 

• Դուք իրավունք ունեք հաղորդակցվել ֆինանսական կազմակերպության հետ Ձեր նախընտրած եղանակով՝ փոստային կապի միջոցով կամ էլեկտրոնային եղանակով: էլեկտրոնային եղանակով տեղեկատվության ստացումը ամենահարմարավետն է: Այն հասանելի է 24/7 ռեժիմով, զերծ է թղթային տեղեկատվության կորստի ռիսկերից և ապահովում է գաղտնիություն
• Բանկը` «Փողերի լվացման և ահաբեկչության ֆինանսավորման դեմ պայքարի մասինե ՀՀ օրենքով սահմանված Հաճախորդի պատշաճ ուսումնասիրության նպատակով, կարող է Հաճախորդից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ Հաճախորդին
• Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում
• «ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է

«ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ»` https://www.fininfo.am/avand 

• Հաշիվը և դրանում եղած դրամական միջոցները տնօրինելու հաշվետիրոջ իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա
• Առանց հաշվետիրոջ կարգադրության հաշվից դրամական միջոցների բռնագանձումը կարող է իրականացվել դատարանի վճռով դատական ակտերի հարկադիր կատարումն ապահովող մարմինների և հարկային մարմինների կողմից ներկայացված հայտի հիման վրա

• Ավանդը երաշխավորված է Ավանդների հատուցումը երաշխավորող հիմնադրամի կողմից`    համաձայն  «Ֆիզիկական  անձանց ավանդների հատուցումը երաշխավորելու մասին» ՀՀ օրենքի
• Ավանդների երաշխավորվող սահմանաչափերը հետևյալն են`

• Նույն բանկում բոլոր դրամային ավանդները համարվում են մեկ ավանդ, բոլոր արտարժույթային ավանդները համարվում են մեկ ավանդ: Համատեղ ավանդը համարվում է առանձին ավանդ` պայմանագրով սահմանված մասնաբաժնի չափով
• Ավանդ են համարվում նաև ֆիզիկական անձանց կողմից Բանկում բացված բոլոր հաշիվներին/քարտերին գտնվող դրամական միջոցները և դրանց վրա հաշվարկված տոկոսագումարները

• Պայմանագրի  գործողության  ընթացքում կողմերի միջև ծագած վեճերը և տարաձայնությունները լուծվում են բանակցությունների միջոցով: Բանակցությունների միջոցով համաձայնության չգալու դեպքում վեճը լուծվում է ՀՀ օրենսդրությամբ սահմանված կարգով
• Հաճախորդն  հնարավորություն ունի Բանկի և իր միջև բխող բողոք-պահանջները ներկայացնել Ֆինանսական համակարգի հաշտարարին
• Տեղեկացնում ենք, որ Բանկը կնքել է ֆինանսական համակարգի հաշտարարի որոշումները վիճարկելու իրավունքից հրաժարվելու վերաբերյալ համաձայնագիր այն պահանջներով, որոնց ընդհանուր չափը չի գերազանցում 250,000 (երկու հարյուր հիսուն հազար) ՀՀ դրամը կամ համարժեք արտարժույթը և գործարքի ընդհանուր գումարը չի գերազանցում 500,000 (հինգ հարյուր հազար) ՀՀ դրամը կամ համարժեք արտարժույթը

• Սոցիալական փաթեթի (սոցհաշվի) միջոցները հանդիսանում են նպատակային պետական հատկացումներ և ենթակա են օգտագործման բացառապես ՀՀ Կառավարության կողմից սահմանված ուղղություններով՝ համաձայն գործող իրավական կարգավորումների։

Միջոցները կարող են օգտագործվել հետևյալ նպատակներով՝

• բժշկական ծառայությունների և առողջության ապահովագրության վճարում
• բնակարանային ապահովման և հիփոթեքային վարկերի մարման նպատակով վճարումներ
• կրթական ծառայությունների (ուսուցում, ուսման վարձ) վճարում
• հանգստի և առողջարանային բուժման ծառայությունների վճարում՝ պետական ծրագրերով նախատեսված կարգով

Սոցիալական փաթեթի միջոցների օգտագործումը իրականացվում է անկանխիկ ձևով՝ նպատակային վճարումների միջոցով, և ենթակա չէ ազատ տնօրինման կամ կանխիկացման, բացառությամբ օրենքով կամ լիազոր մարմինների կողմից նախատեսված դեպքերի։

«ՎՏԲ - Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 16.04.2025թ.-ից)

«ՎՏԲ - Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործել է 02.02.2024-15.04.2025թթ․)