Տեղեկատվություն երաշխավորի համար՝
Երաշխավորը, երաշխավորության պայմանագրով, Վարկառուի Բանկի առջև պարտավորվում է պատասխանատվություն կրել Վարկառուի կողմից իր պարտավորությունը լրիվ կամ մասնակի կատարելու համար:
Վարկառուի կողմից երաշխավորությամբ ապահովված պարտավորությունը չկատարվելու կամ անպատշաճ կատարվելու դեպքում երաշխավորը Բանկի առջև կրում է սուբսիդիար կամ համապարտ պատասխանատվություն՝ համաձայն ՀՀ օրենսդրությամբ նախատեսված դեպքերի:
Վարկի ժամկետանցման դեպքում վատանում է երաշխավորի վարկային պատմությունը և երաշխավորի գույքի նկատմամբ կարող է բռնագանձում տարածվել:
Բանկը երաշխավորին տրամադրում է երաշխավորության պայմանագրի օրինակը, ինչպես նաև երաշխավորությամբ ապահովված պարտավորության պայմանագրի (այդ թվում վարկի մարման ժամանակացույցի) բնօրինակը:
Բանկը երաշխավորի պահանջով երաշխավորությամբ ծագող հարաբերությունների ամբողջ ընթացքում ցանկացած ժամանակ տրամադրում է նրան վարկի (պարտավորության) մնացորդի վերաբերյալ տեղեկատվություն: Բանկի և երաշխավորի միջև հաղորդակցումը իրականացվում է Բանկի կողմից առաջարկվող և երաշխավորի կողմից ընտրված եղանակով:
Վարկառուի` մարման ժամանակացույցով սահմանված պարտավորության կատարման օրից առնվազն 1 օր առաջ Բանկը պարտավոր է երաշխավորին ծանուցել մարման ենթակա պարտավորության առկայության մասին: Պայմանագրով նախատեսված պարտավորության կետանցի դեպքում Բանկը երաշխավորին տեղեկացնում է այդ մասին ոչ ուշ, քան կետանցի հաջորդ օրը` նշելով ընդհանուր պարտավորության մնացորդի չափը և դրա բացվածքը` առանձին պարտավորության մայր գումարը, տոկոսները, տույժերը, տուգանքները (առկայության դեպքում):
Բանկը երաշխավորին ծանուցում է նաև երաշխավորությամբ ապահովված պարտավորության պայմանագրի դադարեցման մասին դրա դադարեցումից հետո 7 աշխատանքային օրվա ընթացքում:
Բանկի կողմից պայմանագրերի էական պայմանների փոփոխելու ցանկության դեպքում, որոնց արդյունքում վատթարանում են պայմանագրի պայմանները, և (կամ) ավելանում է պարտավորությունը, և երաշխավորը նախապես չի տրամադրել դրանց փոփոխության վերաբերյալ համաձայնություն, ապա Բանկը առնվազն 7 աշխատանքային օր առաջ երաշխավորին տրամադրում է այդ փոփոխության վերաբերյալ առաջարկ: Բանկի պայմանագրի էական պայմանների նախատեսվող փոփոխությունների, որոնք չեն նախատեսում պայմանագրի պայմանների վատթարացում և (կամ) պարտավորության ավելացում, վերաբերյալ ծանուցում է երաշխավորին փոփոխությունը հաստատվելուց հետո մեկ աշխատանքային օրվա ընթացքում:
Պարտավորությունը կատարած երաշխավորին են անցնում այդ պարտավորությամբ Բանկի իրավունքները և Բանկի` որպես գրավառուի պատկանող իրավունքներն այն ծավալով, որով երաշխավորը բավարարել է Բանկի պահանջը: Երաշխավորն իրավունք ունի նաև վարկառուից պահանջել հատուցելու Բանկին վճարած գումարի տոկոսներն ու, վարկառուի փոխարեն պատասխանատվությունը կրելու կապակցությամբ, իր կրած այլ վնասները:
Վարկային պատմություն և ՍՔՈՐ գնահատական
Վարկային պատմության էությունը և դրա կարևորությունը՝
Վարկային պատմությունը հաճախորդի ֆինանսական պարտավորությունների կատարման վերաբերյալ տեղեկությունների ամբողջությունն է, որը հավաքվում, կուտակվում և պարբերաբար նորացվում է, ինչպես վարկ տրամադրած առանձին վարկատուների, այնպես էլ Վարկային բյուրոյի (ԱՔՌԱ) կողմից: Այսինքն վարկային պատմությունը ցույց է տալիս, թե հաճախորդը ինչպես է կատարել և շարունակում կատարել իր բոլոր ֆինանսական պարտավորությունները:
Այն պարունակում է հաճախորդի ստացած վարկերի, դրանից բխող մարումների կատարման, այլ մարդկանց տրված երաշխավորությունների, ժամկետանց վարկերի առկայության, ինչպես նաև դրանց համար սահմանված տույժ ու տուգանքների մասին տեղեկատվություն:
https://www.abcfinance.am/lifesituations/credit-history.html և www.acra.am
Վարկային ՍՔՈՐ գնահատականի էությունը`
Բանկը վարկ տրամադրելու նպատակովվարկառուին գնահատում է բալային համակարգի միջոցով, որի արդյունքում ձևավորվում է ՍՔՈՐ գնահատականը: Այն իրենից ներկայացնում է մի շարք համախմբված գործոնների ամբողջականություն, որոնցից է օրինակ վարկային պատմությունը, անձնական տվյալները և այլ գործոններ:
https://abcfinance.am/news/news_varkayinscore.html և www.acra.am
ՍՔՈՐ գնահատականի կարևորությունը՝
Ինչու՞ է կարևոր ունենալ բարձր ՍՔՈՐ գնահահատական: Նպատակը մեկն է՝ այն հարկավոր է Բանկին հասկանալու համար, թե որքան ռիսկային է հաճախորդին վարկ տրամադրելը: Յուրաքանչյուր ՍՔՈՐ-ի տեսակ ունի իրեն բնորոշ գնահատականի միջակայքը և որքան հաճախորդի գնահատականը մոտ է առավելագույն շեմին, այդքան ավելի բարձր է վարկ ստանալու հավանականությունը: Բարձր ՍՔՈՐ-ը վկայում է ցածր ռիսկի մասին և հակառակը՝ ցածր ՍՔՈՐ-ը վկայում է բարձր ռիսկի մասին:
Կիրառվող ՍՔՈՐ-ի տեսակը և նրա վրա ազդող հիմնական գործոնները՝
Բանկն առաջնորդվում է իր սեփական սքորինգային համակարգով, որի հաշվարկի մանրամասները հանդիսանում են առևտրային գաղտնիք: Սակայն կարող ենք նշել մի քանի գործոն, որոնք ազդում են ՍՔՈՐ-ի վրա՝ հաճախորդի վարկի մարումների պատմությունը, վարկերի չափը, քանակը, վարկային պատմության երկարությունը և այլն: Նշենք նաև, որ վարկային պատմության հարցումը կարող է ազդեցություն ունենալ վարկայինՍՔՈՐ գնահատականի վրա (կարող է իջեցնել գնահատականը), որն էլ իր հերթին կարող է ազդել Բանկի հաճախորդին վարկ տրամադրելու որոշման վրա և հանդիսանալ բացասական որոշման կայացման պատճառ:
Ինչպես բարելավել վարկային պատմությունը և ՍՔՈՐ գնահատականը՝
Վարկային պատմությունը և ՍՔՈՐ գնահատականը բարելավելու համար հարկավոր է բացառել վարկերի մարումների ուշացումները՝ կատարելով այն սահմանված գրաֆիկին համապատասխան, մարել կամ նվազեցնել վարկային պարտավորությունները, նվազեցնել վարկերի քանակը՝ թեթևացնելով վարկային բեռը, նվազեցնել տրված երաշխավորությունները՝ կրճատելով դրանց քանակը, գումարը, ինչպես նաև, առկայության դեպքում ապահովել այս մասով ժամկետանց պարտավորությունների լրիվ մարումը: Հաճախորդի արդեն գրանցված վատ վարկային պատմությունը կարող է վերափոխվել յուրաքանչյուր հաջորդ վարկիընթացքում հաճախորդի վարքագծի փոփոխության և պարտաճանաչության արդյունքում: Ուստի վարկային պատմության և ՍՔՈՐ-ի վատթարացումից խուսափելու և բարելավումը ապահովելու համար պետք է բացառել ընթացիկ վարկերի գծով պարտավորությունների կատարման նույնիսկ մեկօրյա ուշացումները, լիովին մարել նախկինում գոյացած ժամկետանց վարկային վճարների ուշացումները, խուսափել ապագայում անվստահելի անձանց համար երաշխավոր դառնալուց, թեթևացնել վարկային բեռը և այլն:
