Հաճախորդի իրավունքները

Հարգելի հաճախորդ,

Ձեր կողմից Բանկին ներկայացված բողոքների, դիմումների և հարցումների ընդունման, գրանցման, քննության և պատասխանների ներկայացման գործընթացը կարգավորում է  «ՎՏԲ-Հայաստան Բանկ» ՓԲԸ հաճախորդների բողոքների, դիմումների և հարցումների ընդունման, գրանցման, քննության և պատասխանների ներկայացման գործընթացի մասին» ընթացակարգով:

Ձեր հարցերը և բողոքները կարող եք ուղղել Բանկին հետևյալ եղանակներով:

• Օնլայն՝     
• էլեկտրոնային հասցեով` claimcenter@vtb.am կցելով ներքոհիշյալ բողոքի-պահանջի, դիմումի կամ գործարքի բողոքարկման դիմումի Ձեր կողմից լրացված, ստորագրված և սկանավորված տարբերակը․

• Բողոք-պահանջ
• Դիմում
• Գործարքի բողոքարկման դիմում
• Ինչ անել, եթե բողոք ունեք
• առձեռն` Բանկի ցանկացած մասնաճյուղում 
• փոստով՝ «ՎՏԲ-Հայաստան Բանկ» ՓԲԸ, ք․ Երևան, Մանանդյան փ. 33/3 հասցեով
• զանգահարելով  87-87 հեռախոսահամարով։

Ֆինանսական համակարգի հաշտարարի մասին ՀՀ օրենքի համաձայն ֆիզիկական անձը, Հայաստանի Հանրապետության հարկային օրենսգրքի համաձայն, միկրոձեռնարկատիրության սուբյեկտ համարվող անհատ ձեռնարկատերը, իրավաբանական անձը հնարավորություն ունի ներկայացնելու Բանկի և իր միջև կնքվող գործարքից բխող պահանջները Ֆինանսական համակարգի հաշտարարին:

Բանկը կնքել է ֆինանսական համակարգի հաշտարարի որոշումները վիճարկելու իրավունքից հրաժարվելու վերաբերյալ համաձայնագիր այն պահանջներով, որոնց ընդհանուր չափը չի գերազանցում 250,000 (երկու հարյուր հիսուն հազար) ՀՀ դրամը կամ համարժեք արտարժույթը և գործարքի ընդհանուր գումարը չի գերազանցում 500,000 (հինգ հարյուր հազար) ՀՀ դրամը

Ֆինանսական համակարգի հաշտարարի գրասենյակ

Գլխավոր հաշտարար, Գրասենյակի կառավարիչ՝ Վազգեն Մնացականյան 
Հաշտարար` Փիրուզ Սարգսյան 

Հասցե` ք. Երևան, Խորենացի 15, "Էլիտ պլազա" բիզնես կենտրոն, 7-րդ հարկ  

Հեռ.` (374 60)  70 11 11

Ֆաքս` (374 10) 58 24 21 

Էլ. հասցե` info@fsm.am; Վեբ կայք՝ www.fsm.am (https://fsm.am/)

Աշխատանքային ժամերը՝ Երկ.-ուրբ.՝ 9:00-18:00 (ընդմիջում` 13:00-14:00)

Հայտարարություն՝

Սպառողական վարկի վաղաժամկետ մարման դեպքում կրեդիտավորման ծախսի համամասնորեն նվազեցման մեխանիզմը

Ուշադրությո´ւն.

Ցանկացած անձ իրավունք ունի «ՎՏԲ-Հայաստան Բանկ» ՓԲԸ վերաբերյալ ստանալ.

• «Բանկերի և բանկային գործունեության մասին» Հայաստանի Հանրապետության օրենքի 20-րդ հոդվածի 3-րդ մասով, 43-րդ հոդվածի 2-րդ մասով, սահմանված տեղեկատվությունը և փաստաթղթերի պատճենները։ Վճարը` թղթային տպագիր 1 էջը 3 դրամ, էլեկտրոնային տարբերակի դեպքում` անվճար:
• «Արժեթղթերի շուկայի մասին» Հայաստանի Հանրապետության օրենքի 16-րդ, 120-րդ հոդվածներով, 126-րդ հոդվածի 1-ին մասով սահմանված տեղեկատվությունը և փաստաթղթերի պատճենները անվճար:

Վերոնշված տեղեկությունները ՎՏԲ-Հայաստան Բանկը տրամադրում է գրավոր դիմումի հիման վրա դիմումը ստանալուց հետո երեք աշխատանքային օրվա ընթացքում, բացառությամբ, եթե տեղեկատվության մեջ այլ ժամկետ նշված չէ։ Գրավոր դիմումը կարող է ներկայացվել հետևյալ ձևերով`

• առձեռն` բանկի գլխամասային գրասենյակում կամ ցանկացած մասնաճյուղում;
• էլեկտրոնային փոստի միջոցով` headoffice@vtb.am կամ փոստով` ՀՀ, 0006, ք. Երևան, Մանանդյան 33/3:

Օրենքները կարող եք գտնել` սույն կայքի «Կարգավորում» բաժնում։

ԸՆԴՀԱՆՈՒՐ ԴՐՈՒՅԹՆԵՐ

1. Սույն «Գաղտնիության քաղաքականությունը»  (այսուհետ՝ Քաղաքականություն) «ՎՏԲ-Հայաստան  Բանկ» ՓԲԸ (այսուհետ՝ Բանկ)  ներքին իրավական ակտ է, որով սահմանվում են Բանկի և Հաճախորդի գաղտնիության իրավունքը և գնահատում է իր հաճախորդների, գործընկերների և աշխատակիցների վստահությունը:
2. Սույն Քաղաքականությունը մշակվել է «Անձնական տվյալների պաշտպանության մասին», «Բանկային գաղտնիքի մասին» ՀՀ օրենքների պահանջներր, ինչպես նաև Բանկի ներքին իրավական ակտերի հիման վրա։
3. Սույն Քաղաքականությամբ ներկայացված են Բանկի Գաղտնիության քաղաքականության սկզբունքները` կապված տեղեկատվության հավաքագրման, օգտագործման, պահպանման և բացահայտման հետ, որը հաճախորդի կողմից Բանկին է տրամադրվում իր ինտերնետային կայքի` www.vtb.am (այսուհետ` Կայք), և սոցիալական ցանցերի պաշտոնական էջերի միջոցով:
4. Օգտագործելով Քաղաքականությունը և դրա միջոցով անձնական տեղեկատվություն տրամադրելով Բանկին` Դուք տալիս եք Ձեր համաձայնությունը սույն Գաղտնիության քաղաքականության դրույթներին:
5.  Կայքը կարող է պարունակել հղումներ դեպի այլ կազմակերպությունների կայքեր, երբ այդ հղումների միջոցով դուրս եք գալիս Բանկի Կայքից, ապա Բանկը պատասխանատվություն չի կրում այդ կայքերի գաղտնիության քաղաքականության համար:
6. Սույն Քաղաքականության մեջ օգտագործվող բոլոր տերմիններն ունեն «Անձնական տվյալների պաշտպանության մասին» ՀՀ օրենքով սահմանված իմաստը:

ՏԵՂԵԿԱՏՎՈՒԹՅԱՆ ՀԱՎԱՔԱԳՐՈՒՄ և ՕԳՏԱԳՈՐԾՈՒՄ

7.  Բանկը հավաքագրում, պահպանում և օգտագործում է անձնական տեղեկատվություն, որպեսզի կարողանա մատուցել բանկային ծառայություններ և բացահայտել իր հաճախորդների և գործընկերների պահանջմունքներն ու հետաքրքրությունները:
8. Տեղեկատվությունը հավաքագրվում է հետևյալ միջոցներով․

ա)Բանկի կայքում տեղադրված հայտերը լրացնելուց;

բ)Բանկի նորություններին բաժանորդագրվելուց;

գ)«Հետադարձ կապ» ձևը լրացնելուց;

դ) Բանկի կայք այցելելուց (այս դեպքում տեղեկատվությունը պահպանվում է «Cookies» բաժնում): Նշված միջոցներով ստացված ցանկացած տեղեկատվություն համարվում է անձնական տեղեկատվություն:

7. Կայքի միջոցով ստացված անձնական տեղեկատվությունը կարող է համակցվել այն տեղեկատվության հետ, որը Դուք Բանկին տրամադրում եք այլ ձևերով (բանավոր կամ գրավոր)` Բանկ այցելելիս և/կամ փաստաթղթեր տրամադրելիս, և/կամ Կոնտակտային կենտրոն զանգահարելիս և այլն:
8. Ստացված տվյալները ենթակա չեն փոխանցման երրորդ անձանց առանց Ձեր համաձայնության, բայց դրանք կարող են օգտագործվել Բանկի ներսում ցանկացած կառուցվածքային և տարածքային ստորաբաժանումների կողմից:
9. Ձեր կողմից տրամադրված տեղեկատվությունը պահպանվում է տվյալների համակարգում, որը թարմացվում է յուրաքանչյուր նոր տվյալ ստանալու ժամանակ: 

ՏԵՂԵԿԱՏՎՈՒԹՅԱՆ ԱՆՎՏԱՆԳՈՒԹՅԱՆ ՀԱՍԱՆԵԼԻՈՒԹՅՈՒՆ և ԱՊԱՀՈՎՈՒՄ

12. Բանկը Ձեր անձնական տվյալներին հասանելիություն է տրամադրում միայն այն աշխատակիցներին, որոնց այդ տվյալներն անհրաժեշտ են Ձեզ ծառայություններ մատուցելու, Ձեզ հետ հաղորդակցվելու կամ Ձեր տվյալներն այլ կերպ մշակելու համար:
13. Բանկը չի վաճառում կամ այլ կերպ փոխանցում Ձեր անձնական տվյալները երրորդ անձանց առանց այդ մասին Ձեզ նախապես տեղեկացնելու և Ձեր համաձայնությունը ստանալու:
14. Կայքի հոսթինգ իրականացնող կազմակերպությունները և այլ անձինք, որոնք աջակցում են Բանկին Կայքի շահագործման, գործունեության իրականացման և սպասարկման հարցում, երրորդ անձ չեն հանդիսանում պայմանով, որ նշված անձինք պարտավորվում են պահպանել այդ տվյալների գաղտնիությունը:
15. Բանկը կարող է նաև հրապարակել տեղեկությունները ՀՀ օրենսդրությամբ սահմանված դեպքերում, Բանկի կամ այլ անձանց իրավունքների, գույքի կամ անվտանգության պահպանման նկատառումներից ելնելով:
16. Ձեր վերաբերյալ հանրամատչելի անձնական տվյալները կարող են տրամադրվել այլ անձանց մարքեթինգային նպատակով:
17. Բանկը Ձեզ հնարավորություն է տալիս ստանալու տարբեր բնույթի տեղեկատվություն, որը կարող է ներառել տեղեկատվություն նոր պրոդուկտների և ծառայությունների, հատուկ առաջարկների մասին: Բանկի բոլոր նյութերը կներկայացվեն էլեկտրոնային եղանակով, եթե ​​տեղեկատվություն չեք ցանկանում ստանալ, կարող եք հրաժարվել` դիմելով Բանկին:
18. Բանկը կարող է նաև իրականացնել հարցումներ, որտեղ Ձեզ կարող են հարցեր տրվել Ձեր տարիքի, եկամտի, սեռի և այլնի վերաբերյալ: Նման տեղեկությունները Բանկին անհրաժեշտ են ծառայություններ մատուցելու, սպառողների նախասիրությունները պարզելու և բանկային պրոդուկտների և ծառայությունների որակը բարելավելու համար: Դուք կարող եք ազատ հրաժարվել նման տեղեկատվություն տրամադրելուց:
19. Ցանկացած տվյալ, որը Դուք մուտքագրում եք Կայք պաշտպանված է  արդիական տեխնոլոգիաների միջոցով: Բանկը կիրառում է նաև անվտանգության մեխանիզմներ, որպեսզի ապահովի Ձեր կողմից տրամադրված անձնական տվյալների անվտանգությունը:
20. Եթե ​​ ապագայում որոշեք նամակներ չստանալ և կցանկանաք, որ Բանկի Կայքի միջոցով նախկինում Բանկին տրամադրած անձնական տվյալները հանվեն Բանկի շտեմարաններից, ապա կարող եք դիմել Բանկին:

Բանկի և հաճախորդների պարտականություններում փոփոխություն FATCA-ի համաձայն  

Ի՞նչ է FATCA (Foreign Account Tax Compliance Act):

«Արտասահմանյան հաշիվների հարկման մասին» ԱՄՆ Օրենքը (այսուհետ` FATCA) կոչված է կանխել ԱՄՆ հարկատուներիկողմից ԱՄՆ-ից դուրս ստացվող շահույթի համար հարկերի վճարումից խուսափելու հնարավորությունը:

Ի՞նչ է փոփոխվում Բանկի պարտականությունների մեջ համաձայն FATCA-ի:

FATCA-ի պահանջներին հետևելու նպատակով «ՎՏԲ-Հայաստան բանկ» ՓԲԸ համագործակցում է ԱՄՆ Հարկայինծառայության (IRS) հետ որպես Մոդել 2-ի  համաձայն մասնակցող Ֆինանսական ինստիտուտ (Reporting Model 2 FFI):

«ՎՏԲ-Հայաստան բանկ» ՓԲԸ որպես Մոդել 2-ի համաձայն մասնակցող Ֆինանսական ինստիտուտ (Reporting Model 2 FFI) ԱՄՆ Հարկային ծառայության կողմից շնորհվել է հետևյալ նույնականացման համարը` (GIIN) 3FZXN5.00040.ME.051:

Համաձայն FATCA-ի պահանջների «ՎՏԲ-Հայաստան բանկ» ՓԲԸ որպես Մոդել 2-ի  համաձայն մասնակցող Ֆինանսականինստիտուտ (Reporting Model 2 FFI) պարտավոր է տրամադրել ԱՄՆ Հարկային ծառայությանը (IRS) ԱՄՆ հարկատուներիկողմից բացված ֆինանսական հաշիվների վերաբերյալ FATCA-ով սահմանված տեղեկատվությունը:

Ինչ՞ է փոխվում Հաճախորդի պարտականություններում համաձայն FATCA-ի:

Հարգելի հաճախորդ,

Խնդրում ենք ուշադրություն դարձնել, որ «ՎՏԲ-Հայաստան բանկ» ՓԲԸ համաձայն FATCA-ի պահանջի ձեռնարկել է Բանկիհաճախորդների միջև ամերիկյան հարկատուների բացահայտելու միջոցառումներ, որոնք ներառում են` Բանկի կողմից Ձեր հարկային ռեզիդենտության կարգավիճակը հավաստող FATCA-ով սահմանված տեղեկատվության/փաստաթղթերի հարցում` Ձեզ հետ պայմանագրային հարաբերություններ հաստատելիս:

FATCA (foreign account tax compliance act) նպատակներով ՎՏԲ-Հայաստան Բանկ ՓԲԸ ինքնահայտարարագրման ձեվ

Բանկի վարվելակերպի կանոնները

Անձնական տվյալների մշակման վերաբերյալ ծանուցում

Վեճերի արբիտրաժային քննության առանձնահատկություններ

«ՎՏԲ-Հայաստան Բանկ» ՓԲԸ-ի Կոռուպցիայի հակազդման քաղաքականություն

Միասնական հաշվետվողական ստանդարտի (Common Reporting Standard, CRS) մասին իրազեկման տեղեկատվություն

• Ի՞նչ է Միասնական հաշվետվողական ստանդարտը՝ CRS-ը

Միասնական հաշվետվողական ստանդարտը (Common Reporting Standard, CRS) Տնտեսական Համագործակցության և Զարգացման Կազմակերպության (ՏՀԶԿ/OECD) կողմից մշակված միջազգային ստանդարտ է, որի նպատակն է միջսահմանային հարկային թափանցիկության ապահովումը և հարկային խուսափումների կանխարգելումը:

• Ինչպե՞ս է գործում CRS-ը

CRS-ի շրջանակներում «ՎՏԲ Հայաստան Բանկ» ՓԲԸ-ն  (այսուհետ` Բանկ) պարտավոր է՝
- Հավաքել տեղեկատվություն հաշվետերերի հարկային ռեզիդենտության վերաբերյալ
- Տարեկան հիմունքներով ՀՀ պետական եկամուտների կոմիտեին հաղորդել որոշակի ֆինանսական տեղեկություններ այն հաշվետերերի մասին, ովքեր հարկային ռեզիդենտ են CRS-ին միացած այլ երկրներում, որից հետո տեղեկատվությունը փոխանցվում է համապատասխան երկրների հարկային մարմիններին:

• Ո՞վ է ենթակա CRS-ի պահանջներին

CRS-ը վերաբերում է բոլոր ոչ ռեզիդենտ հաճախորդներին, ովքեր ունեն ֆինանսական հաշիվներ «ՎՏԲ Հայաստան Բանկ» ՓԲԸ-ում: Սա ներառում է՝
- Ֆիզիկական անձ, Անհատ ձեռնարկատեր,
- Իրավաբանական անձ:

• Ի՞նչ տեղեկատվություն է հավաքվում և հաղորդվում

CRS-ի շրջանակներում հավաքվող և հաղորդվող տեղեկատվությունը ներառում է՝
- Անուն, ազգանուն, հասցե, ծննդյան ամսաթիվ և վայր,
- Ռեզիդենտության երկիր, Հարկային նույնականացման համար(ներ),
- Հաշվի համար,
- Հաշվի մնացորդ կամ արժեք,
- Տարվա ընթացքում վճարված տոկոսներ, շահաբաժիններ, Ֆինանսական ակտիվների վաճառքից կամ մարումից ստացված եկամուտներ,
-և CRS-ի պահանջով այլ տեղեկատվություն:

• Ձեր պարտավորությունները որպես «ՎՏԲ Հայաստան Բանկ» ՓԲԸ հաճախորդ

Որպես «ՎՏԲ Հայաստան Բանկ» ՓԲԸ հաճախորդ՝ Դուք պարտավոր եք՝
- Տրամադրել ճշգրիտ տեղեկատվություն Ձեր հարկային ռեզիդենտության վերաբերյալ,
- Լրացնել, ստորագրել և տրամադրել (մոտեցնել Բանկի ցանկացած մասնաճյուղ կապ ուղարկելով CRS@vtb.am էլեկտրոնային հասցեին) «ՎՏԲ Հայաստան Բանկ» ՓԲԸ կողմից պահանջվող CRS ինքնահայտարարագրման ձևաթղթերը,
- Տեղեկացնել Բանկին Ձեր հարկային կարգավիճակի ցանկացած փոփոխության մասին:

• Պահանջվող տեղեկատվության չտրամադրումը «ՎՏԲ Հայաստան Բանկ» ՓԲԸ-ին

Եթե ֆինանսական հաշիվ բացող կամ ֆինանսական հաշիվ ունեցող անձը հրաժարվում է ինքնահայտարարագիր ներկայացնել «ՎՏԲ Հայաստան Բանկ» ՓԲԸ, ապա վերջինս մերժում է նոր ֆինանսական հաշիվների բացումը, իսկ նախկինում բացված առկա ֆինանսական հաշիվների դեպքում հրաժարվում (դադարեցնում) է ֆինանսական հաշիվներով գործարքներ կատարել, բացառությամբ նրանց անունով այլ հաստատությունում բացված հաշվին իրենց դրամական միջոցները փոխանցելու կամ նրանց իրենց դրամական միջոցները տրամադրելու գործարքների:

• Գաղտնիություն և տվյալների պաշտպանություն

«ՎՏԲ Հայաստան Բանկ» ՓԲԸ հավաքում և մշակում է CRS-ի շրջանակներում պահանջվող տեղեկատվությունը՝ համաձայն ՀՀ օրենսդրության: Ձեր տվյալները պաշտպանված են և օգտագործվում են միայն CRS-ի պահանջները կատարելու նպատակով:

• Լրացուցիչ տեղեկատվություն

CRS-ի վերաբերյալ լրացուցիչ տեղեկատվություն ստանալու համար կարող եք՝
- Այցելել ՏՀԶԿ/OECD պաշտոնական կայք՝ http://www.oecd.org հղմամբ,
- Դիմել Ձեր հարկային խորհրդատուին,
- Այցելել «ՎՏԲ Հայաստան Բանկ» ՓԲԸ ցանկացած մասնաճյուղ,
- Կապվել «ՎՏԲ Հայաստան Բանկ» ՓԲԸ կոնտակտային կենտրոնի հետ 87-87 կամ արտերկրից զանգերի համար +374 8000 8787 հեռախոսահամարով:

Ֆիզիկական անձի ինքնահայտարարագրման ձեվ

Իրավաբանական անձի (անհատ ձեռնարկատիրոջ) ինքնահայտարարագրման ձեվ

Հարգելի Հաճախորդ

Համաձայն ՀՀ ԿԲ Խորհրդի 11.08.2026թ․ թիվ 222-Ն որոշման այսուհետ կարող եք բանկային հաշիվ(ներ) ունենալու կամ չունենալու նաև մնացորդի և պարտավորությունների մասին հանգամանքը հավաստող Տեղեկանքի ստանալու վերաբերյալ Դիմում¹ ներկայացնել «ՎՏԲ–Հայաստան Բանկ» ՓԲԸ հետևյալ եղանակներով․

Ինչպե՞ս ներկայացնել Դիմումը.

Այցելելով բանկ

• Բանկի ցանկացած մասնաճյուղում

Հեռավար եղանակներով

• Մոբայլ հավելվածի Չատ բաժնով
• Կոնտակտային կենտրոն զանգահարելով
• vtb.am պաշտոնական կայքի միջոցով
• headoffice@vtb.am էլեկտրոնային հասցեով

Հեռավար եղանակով Դիմումի ներկայացման դեպքում՝

1. Ձեզ հետ կապ կհաստատի Կոնտակտային կենտրոնի աշխատակիցը
2. համապատասխան նույնականացումը անցնելուց հետո և հասանելի էլեկտրոնային հասցեն ճշտելուց հետո պետք է ուղարկել ստորագրված դիմումը
3. Կոնտակտային կենտրոնի աշխատակիցը Դիմումի սքան տարբերակը ուղարկում է Ձեր կողմից նախըտրած մասնաճյուղ
4. Բակի մասնաճյուղը Կոնտակտային կենտրոնից ստացված Դիմումի հիման վրա կազմակերպում է տեղեկանքի տրամադրումը։

Տեղեկանքները տրամադրվում են դիմումը ընդունելուց հետո 5 աշխատանքային օրվա ընթացքում։

ՈՒՇԱԴՐՈՒԹՅՈՒՆ․ Անվճար տեղեկանքը տրամադրվում է  բացառապես հայերեն լեզվով։