Մրցույթներ

Հրապարակային ծանուցում

«ՎՏԲ-Հայաստան Բանկ» ՓԲ ընկերությունը հայտարարում է մրցակցային գնման ընթացակարգ, որն անցկացվում է բաց ձևով, առաջարկների հարցման եղանակով։

Մրցակցային գնման ընթացակարգը հայտարարվում է մաքրության /քլինինգային/ ծառայությունների ձեռքբերման նպատակով:

Մրցակցային գնման ընթացակարգին մասնակցելու հայտերն անհրաժեշտ է ներկայացնել «ՎՏԲ–Հայաստան Բանկ» ՓԲԸ` ՀՀ, ք. Երևան, Մանանդյան 33/3 հասցեով:

Մրցակցային գնման ընթացակարգին մասնակցելու հայտերն ընդունվում են 2026թ. ապրիլի 03-ը ներառյալ՝ մինչև ժամը 18։00:

Մրցակցային գնման ընթացակարգին մասնակցության հայտերով ծրարների բացումը տեղի կունենա 2026թ. ապրիլի 06-ին, ժամը 11։00-ին:

Լրացուցիչ տեղեկություններ ստանալու համար ցանկացողները կարող են դիմել «ՎՏԲ-Հայաստան Բանկ» ՓԲԸ, Հասցե` ՀՀ, ք. Երևան, Մանանդյան 33/3:

Կոնտակտային անձ`

Կարո Պողոսյան

Հեռ. (+37410) 51-37-49, ներքին`1755

Բջջ․(+37433) 04-22-32Էլ. փոստ` Tender@vtb.am

Տեղեկություններ գնման ընթացակարգի, ժամկետների, գնահատման չափանիշների և պայմանների վերաբերյալ։

• Մրցակցային գնման ընթացակարգի կազմակերպիչ․

«ՎՏԲ – Հայաստան Բանկ» ՓԲԸ։

II. Մրցակցային ընթացակարգի համար հայտերի ընդունման վայրը և հասցեն․

ՀՀ, ք. Երևան, Մանանդյան 33/3, «ՎՏԲ – Հայաստան Բանկ» ՓԲԸ։

III. Մրցակցային գնման ընթացակարգին մասնակցության հայտերի ներկայացման վերջնաժամկետ․

Մրցակցային գնման ընթացակարգին մասնակցելու հայտերն ընդունվում են գնման ընթացակարգի կազմակերպչի հասցեով, ամեն օր, բացի շաբաթ, կիրակի և ոչ աշխատանքային օրերից, ժամը 10:00-18:00:

Հայտերի ներկայացման վերջնաժամկետն է՝ 2026 թվականի ապրիլի 03-ը, մինչև ժամը 18։00:

IV. Մրցակցային գնման ընթացակարգի անցկացման կարգը․

1. Մրցակցային գնման ընթացակարգն իրականացվում է բաց ձևով, առաջարկների հարցման եղանակով, համաձայն ԼՈՏ-երի: Մրցակցային ընթացակարգին կարող է մասնակցել ցանկացած իրավաբանական անձ, անհատ ձեռնարկատեր և ֆիզիկական անձ, ով ներկայացնում է անհրաժեշտ փաստաթղթերը և ճիշտ լրացված ձևաթուղթը (տես Հավելված 2):

2. Գնման ընթացակարգի կազմակերպիչն իրավունք ունի չեղյալ հայտարարել գնման մրցակցային ընթացակարգը մեկ կամ ավելի լոտերով` գնման ընթացակարգի անցկացման ցանկացած փուլում:

3. Գնման մրցակցային ընթացակարգի մասնակիցն իրավունք ունի յուրաքանչյուր լոտի համար նման գնմանը մասնակցելու համար ներկայացնել միայն մեկ հայտ՝ ցանկացած ժամանակ՝ դրա անցկացման ծանուցումը տեղադրելու պահից մինչև այդպիսի գնմանը մասնակցելու հայտեր ներկայացնելու ժամկետի ավարտի ամսաթիվը և ժամը։ Մրցակցային գնման ընթացակարգի մասնակիցն իրավունք ունի փոփոխել կամ հետ կանչել իր հայտը մինչև հայտերի ներկայացման ժամկետի ավարտը: Նման գնմանը մասնակցելու հայտը համարվում է փոփոխված կամ հետ կանչված, եթե փոփոխությունն իրականացվել է կամ հայտը հետ կանչելու ծանուցումն ստացվել է Բանկի կողմից:

4. Մասնակցության հայտերի ներկայացման ժամկետի ավարտից հետո ստացված մասնակցության հայտերը չեն քննարկվում և չեն վերադարձվում նման հայտեր ներկայացրած անձանց:

Գնման մրցակցային ընթացակարգի անցկացման ծանուցման մեջ նշված մասնակցության հայտեր ներկայացնելու ժամկետի ավարտից հետո եթե մասնակցության ոչ մի հայտ չի ներկայացվել, գնման մրցակցային ընթացակարգը համարվում է չկայացած։ Այն դեպքում, եթե գնման մրցակցային ընթացակարգի փաստաթղթերով նախատեսված է երկու և ավելի լոտ, գնման մրցակցային ընթացակարգը չկայացած է ճանաչվում միայն այն լոտերի մասով, որոնց համար ներկայացվել է միայն մեկ մասնակցության հայտ կամ չի ներկայացվել մասնակցության ոչ մի հայտ:

Գնման մրցակցային ընթացակարգին մասնակցության հայտեր ներկայացնելու ժամկետի ավարտից հետո եթե ներկայացվել է միայն մեկ մասնակցության հայտ, և եթե նշված հայտը ու այն ներկայացրած գնման ընթացակարգի մասնակիցը համապատասխանում են գնման մրցակցային ընթացակարգի անցկացման ծանուցման մեջ նշված պահանջներին, ապա Բանկն իրավունք ունի պայմանագիր կնքել գնման ընթացակարգի մասնակցի հետ, ով ներկայացրել է միակ մասնակցության հայտը՝ գնման ընթացակարգի այդ մասնակցի կողմից ներկայացված մասնակցության հայտում առաջարկված պայմանագրի կատարման պայմաններով:

1. Գնման ընթացակարգի մասնակցի ներկայացրած հայտում տարընթերցումներ հայտնաբերելու դեպքում կիրառվում են հետևյալ կանոնները.

2. բառերով նշված գումարի և թվերով նշված գումարի միջև տարընթերցումների առկայության դեպքում, առավելություն ունի բառերով նշված գումարը,

3. հայտում նշված գնի և յուրաքանչյուր տողում նշված գումարների հանրագումարի միջոցով ստացվող գնի միջև տարընթերցումների առկայության դեպքում, քննարկման, գնահատման և համադրման է ընդունվում հայտում նշված գնի հանրագումարը,

4. արտադրանքի միավորի գինը քանակով բազմապատկելու արդյունքների անհամապատասխանության դեպքում, քննարկման, գնահատման և համադրման է ընդունվում հայտում նշված ընդհանուր ամփոփիչ գինը:

5. Գնման մրցակցային ընթացակարգին մասնակցելու հայտերը տրամադրվում են գնման ընթացակարգի մասնակիցների կողմից` համաձայն հրապարակային ծանուցման մեջ նշված մասնակցության հայտի բովանդակության, ձևակերպման և կազմի պահանջների:

6. Գնման ընթացակարգին մասնակցության հայտերը մրցակցային գնման ընթացակարգի մասնակիցները ներկայացնում են տպագրված (հնարավորության դեպքում ֆիրմային ձևաթղթի վրա), (կանոնադրության և պետական ռեգիստրում գրանցման վկայականի պատճենները`«իսկականի հետ ճիշտ է» նշումով), հաստատված մասնակից կազմակերպությունների ղեկավարների ստորագրություններով և կնիքներով, սոսնձված և մրցակցային գնման ընթացակարգի մասնակցի կնիքով կնքված ծրարով, որի վրա նշվում է մրցակցային գնման ընթացակարգի անվանումը, ուղարկողի և ստացողի հասցեները, ամբողջական անվանումները և գրառում. «Գնումների հանձնաժողովին: Չբացել, մինչև Հանձնաժողովի նիստը»:

7. Պահանջներ գնման ընթացակարգի մասնակիցների նկատմամբ:

Գնման ընթացակարգի մասնակիցը պետք է․

• Ունենա քաղաքացիական իրավունակություն գնման ընթացակարգի արդյունքներով պայմանագիր կնքելու և կատարելու համար (ֆիզիկական անձը լինի լիարժեք գործունակ գնման ընթացակարգի արդյունքներով պայմանագիր կնքելու և կատարելու համար),

• Տիրապետի գնման ընթացակարգի արդյունքներով կնքվող պայմանագրի առարկա հանդիսացող արտադրանքի մատակարարում իրականացնող անձանց նկատմամբ ՀՀ օրենսդրությանը համապատասխան սահմանված պահանջներին համապատասխանությունը հաստատող փաստաթղթերին,

• Իրավաբանական անձի դեպքում չգտնվի լուծարման գործընթացում, իրավաբանական և ֆիզիկական անձանց դեպքում արբիտրաժային դատարանի որոշմամբ չլինի ճանաչված անվճարունակ (սնանկ),

• Չհանդիսանա անձ, ում գույքը դատարանի որոշմամբ գտնվում է կալանքի տակ, եթե հայտը ներկայացնելու պահին կալանավորված գույքի հաշվեկշռային արժեքը գերազանցում է վերջին ավարտված հաշվետու ժամանակաշրջանի ֆինանսական հաշվետվությունների տվյալներով նշված անձանց ակտիվների հաշվեկշռային արժեքի քսանհինգ տոկոսը, և (կամ) որի տնտեսական գործունեությունը կասեցվել է ՀՀ օրենսդրությամբ նախատեսված հիմքերով,

• Ունենա տեղական շուկայում համապատասխան գործունեության փորձ: Համապատասխան փորձի առկայությունը հիմնավորելու համար ներկայացնի այն պայմանագրի պատճենը, որի առարկա է հանդիսանում գրասենյակային տարածքներում մաքրության /քլինինգային/ ծառայությունների մատուցումը, որը կնքված է եղել մինչև 2024 թվականի հուլիս ամիսը:

• Ներկայացնի օգտագործվող նյութերի նկարագրությունը (տեխնիկական բնութագիր, ապրանքանիշ), հնարավորության դեպքում՝ համապատասխանության սերտիֆիկատ, անհրաժեշտության դեպքում՝ նաև առաջարկվող նյութերի նմուշ:

9․ Մրցակցային գնման ընթացակարգին մասնակցության համար պարտադիր փաստաթղթերի ցանկ.

• Գնման ընթացակարգին մասնակցության հայտում ներառված փաստաթղթերի ցանկ:

• Մրցակցային գնման ընթացակարգին մասնակցելու հայտ-նամակ (կազմված ազատ ոճով):

• Վերջնական գների (ներառյալ բոլոր ծախսերը և հարկերը), վճարման պայմանների առաջարկները՝ համաձայն Հավելված 2-ի:

• Տեղեկանք մրցակցային գնման ընթացակարգի մասնակցի մասին՝ կազմակերպության անվանում, հասցե և վավերապայմաններ, ինչպես նաև մասնակցի հայեցողությամբ լրացուցիչ տեղեկություններ:

• Կանոնադրության և պետական ռեգիստրում գրանցման վկայականի պատճենները` «իսկականի հետ ճիշտ է» նշումով:

• Հայտարարություն այն մասին, որ մրցակցային գնման ընթացակարգի մասնակիցը չի գտնվում լուծարման գործընթացում, արբիտրաժային դատարանի որոշմամբ ճանաչված չէ անվճարունակ (սնանկ), չի հանդիսանում անձ, ում գույքը դատարանի որոշմամբ գտնվում է կալանքի տակ, եթե հայտը ներկայացնելու պահին կալանավորված գույքի հաշվեկշռային արժեքը գերազանցում է վերջին ավարտված հաշվետու ժամանակաշրջանի ֆինանսական հաշվետվությունների տվյալներով նշված անձանց ակտիվների հաշվեկշռային արժեքի քսանհինգ տոկոսը, և (կամ) որի տնտեսական գործունեությունը կասեցվել է ՀՀ օրենսդրությամբ նախատեսված հիմքերով՝ հաստատված մասնակցի ստորագրությամբ և կնիքով (կազմված ազատ ոճով):

• Համապատասխան գործունեություն իրականացնելու լիցենզիայի պատճենը (առկայության դեպքում):

Գնման ընթացակարգին մասնակցության հայտի բոլոր թերթերը պետք է լինեն կարված և համարակալված:

Այն դեպքում, եթե մի քանի իրավաբանական կամ ֆիզիկական անձինք համատեղ հանդես են գալիս գնման ընթացակարգի մասնակցի կողմում, գնման ընթացակարգի նման մասնակցին գնման ընթացակարգի մասնակցի, գնվող արտադրանքի նկատմամբ Բանկի կողմից սահմանված պահանջներին համապատասխան ճանաչելու համար այդ անձանցից յուրաքանչյուրը պետք է համապատասխանի գնման ընթացակարգի անցկացման ծանուցման, գնման ընթացակարգի փաստաթղթերի վերաբերյալ Բանկի կողմից սահմանված պահանջներին:

Եթե գնման ընթացակարգի մասնակցի կողմից հանդես են գալիս մի քանի անձինք, տեղեկությունները և փաստաթղթերը տրամադրվում են գնման ընթացակարգի մասնակցի կողմից հանդես եկող բոլոր անձանց նկատմամբ, եթե գնման անցկացման մասին ծանուցմամբ, գնման ընթացակարգի փաստաթղթերով այլ բան սահմանված չէ:

Գնման ընթացակարգի մեկ մասնակցի կողմից մի քանի անձանց հանդես գալու դեպքում գնման ընթացակարգին մասնակցելու հայտը պետք է պարունակի նաև նման անձանց միջև համաձայնագիր, որով կարգավորվում են նշված անձանց հարաբերությունները մեկ մասնակցի կողմից գնման ընթացակարգին մասնակցելու վերաբերյալ:

10․ Գնումների հանձնաժողովի աշխատանքի և մրցակցային գնման ընթացակարգի հաղթող/հաղթողներ որոշելու կարգը.

• Գնումների հանձնաժողովը գնահատում և համադրում է մրցակցային գնման ընթացակարգին մասնակցության հայտերը հաղթողին որոշելու համար, մրցակցային գնման ընթացակարգի փաստաթղթերով նախատեսված չափանիշներով և բալային համակարգով: Հանձնաժողովի ներկա անդամների ձայների պարզ մեծամասնությամբ որոշվում է մրցակցային գնման ընթացակարգի հաղթողը, և կազմվում է համապատասխան արձանագրություն։

• Գնումների հանձնաժողովի նիստի արդյունքով կազմված արձանագրության հաստատման օրվանից 5 (հինգ) աշխատանքային օրվա ընթացքում մրցակցային գնման ընթացակարգի հաղթող ճանաչված մասնակցին, գնման ընթացակարգի կազմակերպիչը առաջարկ է ներկայացնում կնքել պայմանագիր և ներկայացնում է դրա պայմանները.

• Գնման ընթացակարգի մասնակիցների գնահատումն իրականացվելու է համաձայն Աղյուսակ №1-ում ներկայացված չափանիշների.

Աղյուսակ №1

«Մասնակցի որակավորումը» չափանիշով հայտերի գնահատում․

Աղյուսակ 2՝ «մասնակցի որակավորումը» չափանիշի ենթաչափանիշներ․

Գնման ընթացակարգին մասնակցության հայտը գնահատելու համար հաշվարկվում է i-րդ հայտի վերջնական վարկանիշը, որը որոշվում է հետևյալ բանաձևով.

Ri = Rci + RDi

V. Հանձնարարության նկարագիրը

• Ձեռք բերվող արտադրանքի տեխնիկական բնութագրերը և մաքրման տարածքների մասնագիր-բացվածքը ներկայացված են Հավելված 2-ում:

• Աշխատանքների ցանկը ներկայացված է Հավելված 2-ի Աղյուսակ 2-ում:

• Գնման մրցակցային ընթացակարգը հայտարարվում է 8 լոտով, և գնման ընթացակարգի մասնակիցը յուրաքանչյուր լոտում նշում է ծառայության առավելագույն արժեքը, ներառյալ հարկերը:

Հաղթող ճանաչված մասնակիցը պետք է․

• Պայմանագրի կնքման դեպքում ապահովի «ՎՏԲ-Հայաստան Բանկ» ՓԲԸ բանկային հաշվի առկայություն (հնարավորության դեպքում):

• Ներկայացնի նվազագույնը 1 էլեկտրոնային հասցե և այլ կոնտակտային տվյալներ, որի միջոցով կստանա պատվեր-հայտը:

• Մաքրման ծառայությունները մատուցի յուրաքանչյուր աշխատանքային օր՝ մինչև առավոտյան ժամը 08:30: Այդ ժամին տարածքը պետք է լինի պատշաճ մաքրված վիճակում: Կատարողը ծառայությունները մատուցելիս չպետք է խոչընդոտի բանկի բնականոն աշխատանքային գործունեությանը և պետք է պահպանի բանկի ներքին կարգապահական կանոնները: Որոշ դեպքերում կողմերի համաձայնությամբ կարող է սահմանվել այլ աշխատանքային գրաֆիկ:

• Անձնակազմին ապահովի ընկերության տարբերանշանով համազգեստով:

• Տրամադրի մաքրման ծառայությունների ընթացքում օգտագործվող լվացող-մաքրող նյութերը, մաքրող և փայլեցնող կտորները, աղբի տոպրակները, զուգարանների թղթերը, թղթյա սրբիչները, օդի թարմացուցիչները, հեղուկ օճառները, սարքերը և սարքավորումներն ամբողջությամբ: Սանհանգույցի յուրաքանչյուր խցիկում ապահովի մշտական զուգարանի թղթի, մեկական օդի թարմացուցիչի, իսկ յուրաքանչյուր լվացարանի մոտ՝ հեղուկ օճառի առկայություն համապատասխան տարայով(ում): Գլխամասային գրասենյակում օգտագործվող հեղուկ օճառը պետք է լինի ոչ պակաս 1գ/սմ3 խտությամբ, ոչ սուր արտահայտիչ հոտով, հակաալերգիկ: Յուրաքանչյուր խոհանոցում ապահովի սպասք լվանալու հեղուկի, սպունգի, թղթյա սրբիչի և սպասքը չորացնող սրբիչի (միկրոֆիբրա, չափսերը՝ ոչ պակաս 30x30 սմ) մշտական առկայություն:

• Ապահովի հիգենիկ պարագաների համար նախատեսված դիսպենսերների առկայությունը «ՎՏԲ - Հայաստան բանկ» ՓԲԸ անհրաժեշտ տարածքներում:

• Ապահովի մաքրության առնվազն 1 վերահսկիչի առկայություն Գլխամասային գրասենյակում, ով պետք է իրականացնի ամենօրյա հսկողություն տարածքի պատշաճ մաքրության իրականացման մասով: Ընդ որում, մաքրության վերահսկիչը պետք է ներկա գտնվի ծառայությունների մատուցման վայրում յուրաքանչյուր աշխատանքային օր՝ առնվազն 3 ժամ:

• Ապահովի կոնտակտային անձի առկայությունը, ով հասանելի կլինի շուրջօրյա ռեժիմով, յուրաքանչյուր օրացույցային օր:

• Լիովին պատասխանատվություն կրի ծառայությունների մատուցման ընթացքում Կատարողի ներկայացուցիչների կողմից Պատվիրատուի գույքին պատճառված վնասի համար:

VI․ Վերասակարկման անցկացման կարգը

1․ Գնումների հանձնաժողովն իրավունք ունի մրցակցային գնման ընթացակարգի մասնակիցներին հնարավորություն ընձեռել կամովին բարձրացնել իրենց հայտերի վարկանիշը՝ նվազեցնելով պայմանագրի սկզբնական գինը կամ գնման ընթացակարգին մասնակցության հայտերի գնահատման չափանիշ հանդիսացող այլ ցուցանիշները՝ պայմանով, որ դիմումի մնացած դրույթները մնում են անփոփոխ։ Վերասակարկման անցկացման ձևը և կարգը, նոր պայմաններով հայտերի ներկայացման վերջնաժամկետները, գնման ընթացակարգի այլ մասնակիցների կողմից պայմանագրի կատարման պայմանների մասին տեղեկությունները (առանց այդ մասնակիցների անունները նշելու) սահմանվում են վերասակարկմանը մասնակցելու Բանկի հրավերում:

Գնման ընթացակարգի մասնակիցները գնումների հանձնաժողովի կողմից սահմանված ժամկետում վերասակարկման մասնակցելիս թղթային և էլեկտրոնային եղանակով (Գնումների միասնական հարթակում վերասակարկում իրականացնելիս) ներկայացնում են գնման ընթացակարգին մասնակցելու հայտի փոփոխված պայմանները սահմանող փաստաթղթեր:

Վերասակարկման արդյունքներով գնման ընթացակարգի հաղթողը որոշվում է սույն գնման ընթացակարգի համար սահմանված կարգով` գնման ընթացակարգի փաստաթղթերում նշված գնահատման չափանիշներին համապատասխան:

Վերասակարկումը իրականացվում է գնման ընթացակարգին մասնակցելու հայտերի գնահատման և համադրման ընթացակարգի (վերանայման, գնահատման և համեմատության) համար սահմանված ժամկետներում, որոնք սահմանված են գնման ընթացակարգի փաստաթղթերում:

Տեղեկացում

Պայմանագրի գործողության ընթացքում հնարավոր է տարածքների չափերի և հասցեների փոփոխություններ, նոր բանկոմատների տեղադրում, բանկոմատների ապամոնտաժում և տեղափոխում (հասցեի փոփոխում):

Ծառայությունների մատուցումն իրականացվելու է 14.06.2026թ․-ից՝ 1 կամ 2 տարի ժամկետով: