Առողջություն և դժբախտ պատահարներ

Ապահովագրական պատահարներ են համարվում դժբախտ պատահարի արդյունքում Ապահովագրված անձի կյանքին և առողջությանը պատճառված վնասներ, որոնք հանգեցնում են`

• 1-ին, 2-րդ, 3-րդ խմբի հաշմանդամության ձեռք բերման
• Ժամանակավոր անաշխատունակության
• Մահվան

Ցանկացած պարագայում հատուցման ենթակա չեն այն վնասները, որոնք առաջացել են հետևյալի արդյունքում

• Ապահովագրված անձի միտումնավոր գործողությունների կամ այլ անձի կողմից կատարված գործողությունների, որը պայմանագրի շրջանակներում Ապահովագրված անձի մահվան դեպքում հանդիսանում է Շահառու
• Հակաօրինական գործողությունների հետևանքով առաջացած վնասները
• Ապահովագրված անձի ալկոհոլային թունավորումը, թմրադեղային կամ տոքսիկ թունավորումը և վերջիններիս հետևանքով առաջացած պատահարները
• Ապահովագրական  ընկերության պայմաններով նախատեսված այլ դեպքերում

Ապահովագրական պատահարի տեղի ունենալու դեպքում անհրաժեշտ է՝

• Պատահարի տեղի ունենալուց կամ հայտնի դառնալու պահից հետո անհապաղ, սակայն ոչ ուշ, քան 48 ժամվա ընթացքում զանգահարել «Ինգո Արմենիա» ԱՓԲԸ-ի (+374 10) 59 21 21 շուրջօրյա հեռախոսահամարին և հայտնել պատահարի մասին
• Կանխարգելիչ բուժզննման ծառայությունից օգտվելու համար անհրաժեշտ է կապ հաստատել «Ինգո Արմենիա» ԱՓԲԸ-ի Զանգերի Կենտրոնի հետ (+374 10) 59 21 21 շուրջօրյա հեռախոսահամարին և հայտնել ծառայությունից օգտվելու մտադրության մասին հետագա սպասարկումը կազմակերպելու նպատակով
• Տեղի ունեցած ապահովագրական պատահարի նշաններ ունեցող իրադարձության մասին անհապաղ հայտնել համապատասխան իրավասու մարմիններին (ՀՀ Ոստիկանություն, Բժշկական հաստատություն և այլն)
• Ապահովագրական ընկերությանը ներկայացնել դիմում-պահանջագիր ապահովագրական հատուցման մասին, ինչպես նաև ապահովագրության պայմաններով սահմանված այլ ուղեկցող փաստաթղթեր (անձնագրի կամ անձը հաստատող այլ փաստաթղթի բնօրինակը, համապատասխան իրավասու մարմինների (այդ թվում` իրավապահ մարմինների) կողմից տրված փաստաթղթերը, որոնք վկայում են Պայմանագրի գործողության ընթացքում որոշակի դեպքի առաջացման մասին, որն ունի ապահովագրական պատահարի նշաններ, դրա առաջացման հանգամանքների մասին, պարունակելով ապահովագրված անձի լրիվ ախտորոշումը, բուժման ժամկետների, բուժիչ և ախտորոշիչ միջոցառումների մասին տեղեկություններ, բժշկասոցիալական փորձաքննության մարմնի տեղեկանքը հաշմանդամության խումբը (կարգավիճակը) սահմանելու մասին, ժամանակավոր անաշխատունակության թերթիկ և այլն)