Պահատուփեր

Անձնական պահատուփ ցանկացած պահի

Օնլայն հայտ

1-ից մինչև 365 օր

Ճկուն ժամկետներ

Փոքր և խոշոր պահատուփեր

Տարբեր չափսեր

Սկսած 10,900 AMD

Սակագին

Պաշտպանություն 24/7

Հուսալիություն

Անհատական պահատուփեր՝ արժեքների հուսալի պահպանում «ՎՏԲ (Հայաստան) Բանկ»-ում

Պահատուփեր՝ Ձեր հուսալիության շրջանը։

Ամբողջական գաղտնիություն
Հուսալի անվտանգություն 24/7
Վարձակալության ճկուն ժամկետներ

Հաճախորդի անփը հաստատող փաստաթուղթ
նոտարի կողմից վավերացված լիազորագիր, բանկի կողմից ձևակերպված և վավերացված (լիազորված անձի համար):
Լիազորված անձի լրացուցիչ փաստաթուղթ (օրինակ՝ օտարերկրյա անձնագիր կամ վարորդական վկայական):

Պահատուփերի վարձակալման սակագներ

Գրավի գումար՝ 10.000 AMD: Այս գումարը ենթակա է հաճախորդին վերադարձման պայմանագրի ժամկետի ավարտից հետո:
Նոր բանալի տրամադրելու միջնորդավճարը, կորստի դեպքում՝ 30.000 AMD:
Ամենօրյա տուգանք, արժեքները պահպանելու համար՝ պայմանագրի ժամկետի ավարտի օրվանից՝ 1.000 AMD:
Երկարաձգման հնարավորություն, այն պայմանով, որ երկարաձգման պահին հաճախորդի հաշվին առկա է բավարար գումար միջնորդավճարը գանձելու համար : Երկարաձգումն իրականացվում է այն ժամկետով, որով բացվել է պահատուփը:
Վաղաժամկետ դադարեցման դեպքում վճարված միջնորդավճարը ենթակա չէ վերադարձման:

Պահատուփերի չափսերը

Չափսեր	Օրերի քանակ
Չափսեր		1-15	16-30	31-90	91-180	181-365
100x220x480 մմ 100x300x460 մմ	10,900	15,900	20,900	30,900	35,900
200x220x480 մմ 175x300x460 մմ	15,900	20,900	30,900	40,900	60,900
200x450x480 մմ 200x600x460 մմ	18,900	23,900	35,900	45,900	70,900
450x600x460 մմ	20,900	25,900	40,900	50,900	80,900
780x560x460 մմ	25,900	50,900	80,900	100,900	160,900

Անհատական պահատուփերի էական դրույթներ

Անհատական պահատուփի բացումը իրականացվում է անձը հաստատող փաստաթղթի և հանրային ծառայության համարանիշի տվյալի /սոցիալական քարտ/ հանրային ծառայության համարանիշի /սոցիալական քարտ չունենալու տեղեկանքի ներկայացմամբ: Անձի մոտ փաստացի հանրային ծառայության համարանիշի տվյալների /սոցիալական քարտի/ հանրային ծառայության համարանիշի /սոցիալական քարտ չունենալու տեղեկանքի բացակայության դեպքում Բանկը Հաճախորդի համաձայնությամբ տվյալները ստանում է ԷԿԵՆԳ համակարգից: Ներկայացված փաստաթղթերի էությունից ելնելով, ինչպես նաև հաճախորդի ռեզիդենտության կարգավիճակը պարզելու համար «ՎՏԲ Հայաստան Բանկ» ՓԲԸ-ն (այսուհետ՝ Բանկ) կարող է պահանջել լրացուցիչ փաստաթղթեր և տեղեկատվություն
Անհատական պահատուփ կարող եք բացել Բանկի Պուշկին և Փրայմ մասնաճյուղերում
Համաձայն Հաճախորդի կողմից ընտրված Անհատական պահատեղի չափի և վարձակալման ժամկետի ԱԲՀ-ում ընտրվում է համապատասխան ազատ Անհատական պահատեղը
Անհատական պահատուփը բացվում է Պայմանագրի ստորագրման օրը: Պայմանագիրը կնքվում է հաճախորդի կողմից ընտրված ժամկետով
Անհատական պահատուփի Պայմանագրի կնքման օրը Հաճախորդին է տրամադրվում բանալու մեկ օրինակը, իսկ 2-րդ օրինակը Հաճախորդի ներկայությամբ տեղադրվում է ծրարի մեջ փակվում ինքնակպչուն ծրարով, ծրարի վրա գրում անհատական համարը, որը նշվում է նաև պայմանագրի վրա, և մեկ աշխատանքային օրվա ընթացքում, տրամադրվում է Անվտանգության վարչությանը` պահպանման նպատակով
Անհատական պահատեղի գծով պայմանագրի պայմանների կամ կողմերի իրավունքների, պարտականությունների կամ պատասխանատվության uահմանման, փոփոխման դադարեցման վրա որևէ ազդեցություն ունեցող Բանկի ներքին ակտերի փոփոխման դեպքում, Բանկը նոր պայմանների վերաբերյալ տեղեկացնում է Հաճախորդին վերջինիս կողմից ընտրված տարբերակով` տարեկան տոկոuային եկամտաբերության փոփոխման oրվանից առնվազն 15 oր առաջ
«Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքի պահանջներից ելնելով` Բանկը կարող է պահանջել լրացուցիչ փաստաթղթեր կամ ներկայացված փաստաթղթերը լրացուցիչ ուսումնասիրել
Անհատական պահատեղում չի կարող լինել զենք, զինա/ռազմամթերք, պայթուցիկ, հրդեհավտանգ, թունավոր, ռադիոակտիվ նյութ, թմրադեղ և այլ տեսակի նյութ, որը կարող է վնաս պատճառել մարդկանց և շրջապատող միջավայրին, ինչպես նաև սննդամթերք և այլ իրեր, որոնց հատկությունները թույլ չեն տալիս պահպանել Անհատական պահատեղերում
Պայմանագիր կնքելիս Պահատուն կարող է նախապես տալ համաձայնություն Պայմանագրի ավտոմատ երկարաձգման և երկարաձգման համար անհրաժեշտ միջոցների գանձման համար

Գործառնություններ

Դեպոզիտային պահոց մուտք գործելու համար համապատասխան մասնաճյուղերում պարտադիր կատարվում են գրանցումներ «Հաճախորդների հաճախումների գրանցման գրանցամատյանում», որտեղ նշվում է Պահատուի մուտք/ելք գործելու ամսաթիվը ժամը, և ստորագրվում Բանկի կողմից իրավասու ուղեկցողի և Հաճախորդի կողմից
Պահատուի կողմից Անհատական պահատեղը կարող է օգտագործվել Բանկի Հաճախորդների սպասարկման համար նախատեսված աշխատանքային ժամերին
Անհատական պահատեղը կարող է օգտագործվել միայն Պահատուի կողմից կամ վերջինիս Լիազորված անձի կողմից
Բանկի իրավասու աշխատակիցը չի մասնակցում Պահատուի կողմից Անհատական պահատեղի տուփի տեղադրման և տուփից Արժեքների հանման գործընթացին, ինչպես նաև պահատուփից օգտվելու ընթացում իրավունք չունի գտնվել Դեպոզիտային պահոցում

Փակում

Այն դեպքում, եթե Պահատուն չի ցանկանում երկարաձգել Պայմանագիրը, ապա վերջինս պարտավորվում է Պայմանագրի ժամկետը լրանալու օրը այցելել Բանկ, ազատել Անհատական Պահատեղը և հանձնել իր մոտ գտնվող բանալին: Եթե Պահատուն չի ներկայանում Բանկ, ապա վերջինիս Արժեքները մնում են Անհատական պահատեղում մինչև 6 ամիս ժամկետով: Տվյալ ժամանակահատվածում Պահատուի ներկայանալու դեպքում, վերջինից գանձվում է տույժ ժամկետանց օրերի համար` համաձայն Բանկում գործող Սակագների
Հաճախորդի ներկայանալու դեպքում Անհատական պահատեղի ազատման գործընթացն իրականացվում է հետևյալ կերպ` Բանկի պիրավասու աշխատակիցը․

նույնականացնում է Հաճախորդին
բացում Դեպոզիտային պահոցի մուտք, որպեսզի Հաճախորդը ազատի Անհատական պահատեղը
ստուգում է Անհատական պահատեղի դատարկ լինելը
հետ է ընդունում Պահատուից բանալին
փակում է Պահատուի Պայմանագիրը ԱԲՀ-ում

Պահատուի կողմից Պայմանագրի վաղաժամկետ լուծման դեպքում Պահատուին չի վերադարձվում չօգտագործված ժամանակահատվածի համար Սակագներով վճարված գումարը, սակայն ապահովագրության գումարը ենթակա է վերադարձման

Կարևոր է իմանալ

Ուշադրություն՝

Դուք իրավունք ունեք հաղորդակցվել ֆինանսական կազմակերպության հետ Ձեր նախընտրած եղանակով՝ փոստային կապի միջոցով կամ էլեկտրոնային եղանակով: էլեկտրոնային եղանակով տեղեկատվության ստացումը ամենահարմարավետն է: Այն հասանելի է 24/7 ռեժիմով, զերծ է թղթային տեղեկատվության կորստի ռիսկերից և ապահովում է գաղտնիություն
Բանկը` «Փողերի լվացման և ահաբեկչության ֆինանսավորման դեմ պայքարի մասինե ՀՀ օրենքով սահմանված Հաճախորդի պատշաճ ուսումնասիրության նպատակով, կարող է Հաճախորդից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ Հաճախորդին
Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում
«ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է

«ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ»` www.fininfօ.am

Հաշիվը և դրանում եղած դրամական միջոցները տնօրինելու հաշվետիրոջ իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա
Առանց հաշվետիրոջ կարգադրության հաշվից դրամական միջոցների բռնագանձումը կարող է իրականացվել դատարանի վճռով դատական ակտերի հարկադիր կատարումն ապահովող մարմինների և հարկային մարմինների կողմից ներկայացված հայտի հիման վրա

Վեճերի լուծման կարգ

Պայմանագրի գործողության ընթացքում կողմերի միջև ծագած վեճերը և տարաձայնությունները լուծվում են բանակցությունների միջոցով: Բանակցությունների միջոցով համաձայնության չգալու դեպքում վեճը լուծվում է ՀՀ օրենսդրությամբ սահմանված կարգով
Հաճախորդն հնարավորություն ունի Բանկի և իր միջև բխող բողոք-պահանջները ներկայացնել Ֆինանսական համակարգի հաշտարարին
Տեղեկացնում ենք, որ Բանկը կնքել է ֆինանսական համակարգի հաշտարարի որոշումները վիճարկելու իրավունքից հրաժարվելու վերաբերյալ համաձայնագիր այն պահանջներով, որոնց ընդհանուր չափը չի գերազանցում 250,000 (երկու հարյուր հիսուն հազար) ՀՀ դրամը կամ համարժեք արտարժույթը և գործարքի ընդհանուր գումարը չի գերազանցում 500,000 (հինգ հարյուր հազար) ՀՀ դրամը կամ համարժեք արտարժույթը