ՎՏԲ-Հայաստան Բանկ ՓԲԸ-ն նախաձեռնում է ֆիզիկական անձանց ժամկետանց վարկերի մասով տույժերի ու տուգանքների ներման գործընթաց
02.12.2019Հարգելի հաճախորդներ,
ՎՏԲ-Հայաստան Բանկ ՓԲԸ-ն նախաձեռնում է ֆիզիկական անձանց ժամկետանց վարկերի (բացառությամբ վարկային գծերի) մասով (դուրսգրված, բռնագանձման գործընթացում գտնվող առանց գրավի (ներառյալ իրացված գրավով)) տույժերի ու տուգանքների ներման գործընթաց, համապատասխան չափով կանխավճարներ կատարելու պայմանով: Մանրամասներին ծանոթանալու համար կարող եք դիմել “ՎՏԲ-Հայաստան Բանկ” ՓԲԸ: ՀՀ օրենսդրության և “ՎՏԲ-Հայաստան Բանկ” ՓԲԸ-ի սահմանված պայմաններին համապատասխանելու դեպքում տույժերի և տուգանքների ներումը կիրականացվի համապատասխան հաշտության համաձայնության կնքման միջոցով: Սույնով հետաքրքրված հաճախորդները պետք է մինչև 28.02.2020թ. այցելեն “ՎՏԲ-Հայաստան Բանկ” ՓԲԸ-ի ցանկացած մասնաճյուղ: Բացի անձնագրից և հանրային ծառայության համարանիշից (սոցիալական քարտից) հաճախորդներից կարող են պահանջվել նաև այլ փաստաթղթեր:
Տույժերի և տուգանքների ներման գործընթացը չի տարածվում սնանկ ճանաչված հաճախորդների նկատմամբ:
Հիշեցնենք, որ “ՎՏԲ-Հայաստան Բանկ” ՓԲԸ ՎՏԲ միջազգային ֆինանսական խմբի մասնակից է դարձել 2004թ, ապրիլին: “ՎՏԲ Բանկ” ՀԲԸ հանդիսանում է «ՎՏԲ-Հայաստան Բանկ” ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 72 մասնաճյուղ:
