1.     Բանկային հաշվի  նկարագրություն, էական դրույթներ

1.1.    Բանկային հաշիվը բացվում  է ռեզիդենտ կամ ոչ ռեզիդենտ ֆիզիկական անձանց կողմից:

1.1.1.  Հաճախորդը Բանկային հաշվի պայմանագրի կնքելու համար բանկ է ներկայացնում հետևյալ փաստաթղթերը.

• Հանրային ծառայությունների համարանիշ/Սոցիալական քարտը (բացակայության դեպքում` տեղեկանք բացակայության մասին),
• ՀՀ քաղաքացիների համար` անձնագիր, նույնականացման քարտ, կենսաչափական անձնագիր (վերջինս գործում է միայն Բանկի հաճախորդների համար) զինվորոկան գրքույկ:
• ապաստան հայցողների համար` ապաստան հայցողի  անձը հաստատող վկայականը,
• փախստականի համար` փախստականի կոնվենցիոն ճամփորդական փաստաթուղթը,
• օտարերկրյա քաղաքացիների և քաղաքացիություն չունեցող անձանց համար` օտարերկրյա պետության  անձնագիր, անձը հաստատող միջազգայնորեն ճանաչված փաստաթղթերը,  ՀՀ հատուկ անձնագիրը, կացության քարտը:

1.2.    Հաշիվը բացվում է Պայմանագրի ստորագրման օրը:

1.3.    Պայմանագիրը կնքվում է անորոշ ժամկետով:

1.4.    Բանկային հաշվը բացում է ՀՀ դրամ, ԱՄՆ դոլար, Եվրո և ՌԴ ռուբլի արժույթներով:

1.5.    Բանկային հաշվով կարող են իրականացվել հետևյալ գործառնությունները`

• դրամական միջոցների մուտքեր, ելքեր, փոխանցումներ,
• անկանխիկ արտարժույթի փոխարկային գործառնություններ,
• ժամկետային ավանդների բացման և մարման հետ կապված  գործառնություններ,
• Բանկում գործող վարկերի տրամադրման և մարման հետ կապված գործառնություններ,
• այլ գործառնություններ:

1.6.    Բանկային հաշվից թույլատրվում է կատարել անսահմանափակ անգամ լրացուցիչ մուտքագրումներ և ելքագրումներ:

1.7.    Բանկը Բանկային հաշվին դրամական միջոցների մուտքագրումը և ելքագրումն իրականացնում է մեկ բանկային օրվա ընթացքում:

1.8.    Ռեզիդենտ ֆիզիկական անձանց Բանկային հաշվի դիմաց տոկոսները վճարվում են ՀՀ դրամով` անկախ  հաշվի արժույթից:

1.9.    Ցպահանջ հաշիվներում առկա  գումարների վրա տոկոսները հաշվարկվում են գումարը Բանկ մուտք լինելու օրվանից մինչև այն վերադարձնելու կամ հաշվից այլ հիմքերով դուրս գրելու օրվան նախորդող օրն ընկած ժամանակահատվածի օրացուցային օրերի համար:

1.10.    Բանկային հաշիվը բացվում  է Հաճախորդի ներկայությամբ` իր անձը հաստատող փաստաթղթերի ներկայացմամբ:

1.11.  Բանկային հաշիվը  կարող է բացվել նաև Ավանդատուի լիազոր ներկայացուցչի կողմից, Բանկի հետ Բանկային հաշվի պայմանագիր  կնքելու  և պատշաճ ձևով վավերացված լիազորագրի և լիազոր ներկայացուցչի անձը հաստատող փաստաթղթի ներկայացմամբ:

1.12.   Բանկը իրականացնում է նաև հաշվի արժույթից տարբերվող այլ արժույթներով կատարվող  գործառնություններ:  Հաշվի արժույթից տարբերվող  արժույթով հաշվին դրամական միջոցների մուտքի և ելքի դեպքում փոխարկման  փոխարժեքը Բանկի կողմից սահմանվում է փոխարկման գործառնության իրականացման ամսաթվի դրությամբ գործող Բանկի արժութային փոխանակման գործառնությունների փոխարժեքով` փոխարկումը կատարվում է.

• արժութային հաշվից տարանցիկ հաշվին փոխանցվող գումարների փոխարկման դեպքում՝ գործառնության իրականացման ամսաթվի դրությամբ գործող Բանկի անկանխիկ արժույթային փոխանակման գործառնությունների փոխարժեքով.
• տարանցիկ հաշվից գործարքը կատարելու համար փոխարկման դեպքում՝ գործառնության իրականացման ամսաթվի դրությամբ գործող՝ Բանկի անկանխիկ արժութային փոխանակման գործառնությունների փոխարժեքով:   

1.13.  Հաշվետիրոջ կողմից հաշվով գործառնություններ չկատարելու դեպքում հաշվի պահպանման ծախuերը` ելնելով գործարք չկատարելու վաղեմությունից Սակագներով սահմանված միջնորդավճարները կամ այլ ծառայության վճարները, առաջնահերթ  անվիճելի անակցեպտ կարգով գանձվում են Հաճախորդի ՀՀ դրամով հաշվից/ներից, վերջինիս/ներիս վրա միջոցների բացակայության կամ անբավարարության դեպքում` Հաճախորդի արտարժույթային այլ  հաշվից/ներից,  որի արդյունքում արտարժույթի` ՀՀ դրամի փոխարկումն իրականացվում է փոխարկման պահին ՀՀ արժութային շուկայում ձևավորված միջին փոխարժեքով, որը հրապարակվում է ՀՀ ԿԲ կողմից պաշտոնական կայքում:

1.14.  Հաճախորդի պահանջով` Հայաuտանի Հանրապետությունում կամ Հայաuտանի  Հանրապետության տարածքից դուրu կատարված գործարքների վերաբերյալ հարցման  ծառայության վճարը գանձվում է Բանկի Սակագներում այդ նպատակով սահմանված միջնորդավճարների համաձայն:

1.15.  Բանկը առաջարկում է նաև հեռահաղորդակցման միջոցներով (էլեկտրոնային միջոցներով) հաշվում եղած դրամական մրջոցների տնօրինման հնարավորություններ` ՙInternet banking՚, ՙSMS Banking՚ և ՙՀեռախոսային Բանկ՚:

1.16.  Բանկային հաշվի վրա հաշվեգրվող տարեկան տոկոuադրույքի փոփոխման  վերաբերյալ Բանկը հաճախորդին տեղեկացնում է, վերջինիս կողմից ընտրված տարբերակով` փոփոխման oրվանից առնվազն 15 oր առաջ: Բանկի կողմից տեղեկատվությունը համարվում է Հաճախորդին տրամադրված` այն վերջինիս փոստային/էլեկտրոնային հասցեով ուղարկելու կամ Բանկի տարածքում վերջինիս համար այն հասանելի դառնալու պահից:

1.17.   Բանկն իրավունք ունի փակել Հաճախորդի հաշիվը առանց նախնական ծանուցման, եթե Հաճախորդի հաշվին առկա դրամական  միջոցները 12 (տասներկու) հաջորդական ամիսների ընթացքում չեն բավականացնում հաշիվը սպասարկելու համար Սակագներով սահմանված վճարները գանձելու համար կամ հաշվով չեն իրականացվել որևիցե գործարքներ: Հաշիվների սպասարկման վճարները գանձելիս և հաշիվը փակելիս Բանկն առաջնորդվում է Պայմանագրում  նշված սկզբունքներով:

1.18.  Հաճախորդն իրավունք ունի ցանկացած ժամանակ փակել իր հաշիվը, եթե Հաճախորդն այլևս չի ցանկանում օգտվել Բանկի ծառայություններից և Բանկում չունի այլ հաշիվներ, ավանդներ, վարկեր, որոնք կապակցված են Հաճախորդի տվյալ բանկային հաշվին:  

1.19.  Բանկային հաշվի  նկատմամբ  ժառանգության ձևակերպումը կատարվում է ՀՀ օրենսդրությամբ սահմանված կարգով:

1.20.  Բանկը երաշխավորում է Հաճախորդի կողմից կատարված գործառնությունների գաղտնիությունը՝ համաձայն ՙԲանկային գաղտնիքի մասին՚ ՀՀ օրենքի:

2.     Հաշվի վարման կարգը

2.1.    Բանկը պատասխանատվություն չի կրում Հաճախորդի կողմից Պայմանագրի կնքման համար ներկայացված փաստաթղթերի և դրանցում պարունակվող տեղեկատվության արժանահավատության և հետագայում դրանցում կատարված փոփոխությունների համար: Փոփոխությունների մասին Հաճախորդը պարտավոր է հայտնել Բանկին և ներկայացնել փոփոխված փաստաթղթերի բնօրինակները, կամ նոտարական կամ օրենքով սահմանված կարգով վավերացված կրկնօրինակները: Քանի դեռ հաճախորդը փոփոխությունների մասին չի ներկայացրել պատշաճ փաստաթղթեր, Բանկն առաջնորդվում է Հաճախորդի` նախկինում ներկայացրած և Բանկում առկա փաստաթղթերով: Հաճախորդը երաշխավորում է Բանկին հատուցել այն վնասները (ներառյալ բաց թողնված օգուտը), որոնք պատճառվել են Բանկին Հաճախորդի կողմից ծանուցելու պարտավորության խախտման հետևանքով:

2.2.    Հաշվում դրամական միջոցների առկայության դեպքում, այդ միջոցները դուրս են գրվում Հաճախորդի կարգադրությունները և դուրս գրման այլ փաստաթղթերը Բանկ մուտք լինելու հաջորդականությամբ (օրացուցային հաջորդականությամբ):

2.3.    Այն դեպքում, երբ Հաճախորդի  հաշիվներին  առկա գումարները բավարար չեն վճարման հանձնարարականը կատարելու և դրա համար սահմանված վճարը գանձելու կամ արտարժույթի փոխանակման գործարքն իրականացնելու համար, հայտը վերադարձվում է Հաճախորդին առանց կատարման, ընդ որում, Բանկը նման դեպքերում պատասխանատվություն չի կրում Հաճախորդի կարգադրությունը չկատարելու հետևանքով նրա կրած վնասների համար:

2.4.    Սակագներով սահմանված վճարները, բացառությամբ 2.5 կետում նշված դեպքերի, առաջնահերթ գանձվում են ՀՀ դրամով հաշվից/ներից, վերջինիս/ներիս վրա միջոցների բացակայության կամ անբավարարության դեպքում` Հաճախորդի դոլարային հաշվից/ներից, այնուհետև եվրոյով հաշվից/ներից, այնուհետև ռուբլով հաշվից/ներից, իսկ վերջինիս/ներիս վրա միջոցների բացակայության կամ անբավարարության դեպքում` Հաճախորդի այլ արտարժույթային հաշվից/ներից, որի արդյունքում արտարժույթի` ՀՀ դրամի փոխարկումն իրականացվում է փոխարկման պահին ՀՀ արժութային շուկայում ձևավորված միջին փոխարժեքով, որը հրապարակվում է ՀՀ ԿԲ կողմից պաշտոնական կայքում:  Ընդ որում միևնույն արժույթով Հաշիվներից միջնորդավճարների գանձման նախապատվությունը տրվում է ավելի վաղ բացված Հաշվին:

2.5.    Հաշիվներից կատարվող փոխանցումների, ինչպես նաև հաշվից կատարվող կանխիկ գործարքի դեպքում միջնորդավճարները առաջնահերթ գանձվում են գործարքի առարկա հանդիսացող հաշվից/ներից, վերջինիս/ներիս վրա միջոցների բացակայության կամ անբավարարության դեպքում` 2.4 կետում նշված հերթականությամբ (եթե Հաճախորդի  հանձնարարականներով այլ բան չի նշված):

2.6.    Հաճախորդի կողմից հաշվի մնացորդի ճշտությունը կարող է վիճարկվել հաշվի քաղվածքը Բանկի կողմից ուղարկելու կամ տրամադրելու օրվանից 10 օրացույցային օրվա ընթացքում, հակառակ դեպքում քաղվածքը համարվում է հաստատված Հաճախորդի կողմից: Բանկի մեղքով տեղի ունեցած անճշտության հայտնաբերման դեպքում ուղղումը կատարվում է 2 /երկու/ բանկային օրվա ընթացքում:

2.7.    Բանկային հաշվի գծով պայմանագրի պայմանների կամ կողմերի իրավունքների, պարտականությունների կամ պատաuխանատվության uահմանման, փոփոխման դադարեցման վրա որևէ ազդեցություն ունեցող բանկի ներքին ակտերի փոփոխման դեպքում, որը կհանգեցնի տարեկան տոկոuային եկամտաբերության փոփոխման, Բանկը նոր պայմանների վերաբերյալ տեղեկացնում է Հաճախորդին վերջինիս կողմից ընտրված տարբերակով` տարեկան տոկոuային եկամտաբերության փոփոխման oրվանից առնվազն 15 oր առաջ:

3.     Հատուկ բանկային հաշիվ սոցիալական փաթեթի շրջանակներում (սոցհաշիվ)

3.1.    Դուք կարող եք Բանկում բացել սոցհաշիվ ՀՀ Կառավարության որոշմամբ սահմանաված կարգով և ՀՀ Կառավարության որոշմամբ հաստատված ՙՍոցիալական փաթեթի հատկացման կարգի՚ դրույթներով:

3.2.    Համաձայն ՀՀ Կառավարության որոշմամբ հաստատված ՙՍոցիալական փաթեթի հատկացման կարգի՚ Ձեր անունով բացված սոցհաշվից Ձեզ չի թույլատրվում կատարել սոցհաշվից գումարների կանխիկացում, բացառությամբ հետևյալ դեպքերի`

• Եթե ՀՀ օրենսդրությամբ սահմանված կարգով Դուք ստանում եք կենսաթոշակ ստանալու իրավունք և ներկայացնում եք Բանկ համապատասխան կենսաթոշակային գրքույկ: Ընդ որում, միևնույն ժամանակ անհրաժեշտ է, որ Ձեր սոցհաշվին բացակայեն սոցփաթեթի հատկացումներ վերջին սոցհատկացումն ստանալու պահից առնվազն 3 ամսվա ընթացքում:
• Ձեր մահվան դեպքում` ժառանգի կողմից համապատասխան փաստաթղթի ներկայացման պարագայում:

3.3.    Սոցիալական փաթեթից օգտվելու ընթացքում Դուք կարող եք Ձեր սոցհաշվից կատարել անկանխիկ եղանակով փոխանցումներ միայն ՀՀ Կառավարության կողմից ներկայացված համապատասխան ցանկում ներառված շահառուներին` սոցիալական փաթեթի շրջանակներում հատկացվող ծառայությունների դիմաց վճարման նպատակով:

3.4.    Դուք կարող եք Ձեր սոցհաշվի վերաբերյալ ստանալ սոցհաշվի բացման, Բանկի հանդեպ սոցիալական փաթեթի շրջանակներում պարտավորությունների, և այլ գործառնությունների վերաբերյալ տեղեկանք, ընդ որում, սոցիալական փաթեթի սպասարկման շրջանակներում տեղեկանքների տրամադրումը Բանկի կողմից իրականացվում է անվճար:

3.5.    Բանկն իրավունք ունի Ձեր սոցհաշվից Սոցիալական փաթեթի ծառայություններ մատուցող կազմակերպությունների կողմից ստացված համապատասխան հիմնավորող փաստաթղթի հիման վրա անակցեպտ ձևով գանձել և տվյալ կազմակերպությանը փոխանցել հիմնավորող փաստաթղթով նախատեսված կամ դրա որոշ մասի չափով գումար, բացառությամբ սոցիալական փաթեթի շրջանակներում պարտադիր պայման հանդիսացող առողջապահական փաթեթի, որի պարագայում պարտադիր առողջապահական փաթեթի գումարի փոխանցումը ՀՀ պետական գանձապետարանի համապատասխան հաշվին Բանկի կողմից կատարում է առանց լրացուցիչ փաստաթղթերի ներկայացման:

Դուք կարող եք փոխել Ձեր սոցհաշիվը սպասարկող Բանկը միայն նոր բյուջետային տարում` նախքան սոցիալական փաթեթի ընթացիկ տարվա առաջին գումարի փոխանցումը:

4.     Տեղեկատվություն բանկային հաշվի սակագների վերաբերյալ

5.     Վեճերի լուծման կարգը

Պայմանագրի  գործողության  ընթացքում կողմերի միջև ծագած վեճերը և տարաձայնությունները լուծվում են բանակցությունների միջոցով: Բանակցությունների միջոցով համաձայնության չգալու դեպքում վեճը լուծվում է ՀՀ օրեսդրությամբ սահմանված կարգով:

Հաճախորդն  հնարավորություն ունի Բանկի և իր միջև բխող բողոք-պահանջները ներկայացնել Ֆինանսական համակարգի հաշտարարին:

Տեղեկացնում ենք, որ Բանկը կնքել է ֆինանսական համակարգի հաշտարարի որոշումները վիճարկելու իրավունքից հրաժարվելու վերաբերյալ համաձայնագիր այն պահանջներով, որոնց ընդհանուր չափը չի գերազանցում 250,000 (երկու հարյուր հիսուն հազար) ՀՀ դրամը կամ համարժեք արտարժույթը և գործարքի ընդհանուր գումարը չի գերազանցում 500,000 (հինգ հարյուր հազար) ՀՀ դրամը կամ համարժեք արտարժույթը:

Հայտարարություն:  Հաշիվը և դրանում եղած դրամական միջոցները տնօրինելու հաշվետիրոջ  իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի  հիման վրա:

Հայտարարություն: Առանց հաշվետիրոջ կարգադրության հաշվից դրամական միջոցների բռնագանձումը կարող է իրականացվել դատարանի վճռով դատական ակտերի հարկադիր կատարումն ապահովող մարմինների և հարկային մարմինների կողմից ներկայացված հայտի  հիման վրա: Ընդ որում, Հաճախորդն իր հաշվից դրամական  միջոցների բռնագանձման վերաբերյալ տեղեկացվում է տվյալ հաշվի քաղվածքի միջոցով` իր կողմից նախապես ընտրված  հաղորդակցման /քաղվածքի ստացման/ եղանակով և կարգով (քաղվածքի ծանուցման եղանակի բացակայության դեպքում` փոստով` բնակության կամ հաշվառման հասցեով):

6.     Բանկային հաշվի գումարը երաշխավորված է Ավանդների հատուցումը երաշխավորող հիմնադրամի կողմից`  համաձայն ՙՖիզիկական  անձանց ավանդների հատուցումը երաշխավորելու մասին՚ ՀՀ օրենքի:Ավանդների երաշխավորվող սահմանաչափերը հետևյալն են`

7.      ՙԵկամտահարկի մասին՚ ՀՀ օրենքի համաձայն` հաճախորդին հաշվեգրված տոկոսները վճարելիս Բանկը հանդես է գալիս որպես ավանդատուի հարկային գործակալ, գանձում է եկամտահարկ  տոկոսագումարի (եկամտի) 10%-ի չափով և փոխանցում պետական բյուջե:

Ծառայության վերաբերյալ ամբողջական տվյալներին կարող եք ծանոթանալ www.vtb.am կայքում, ինչպես նաև զանգահարելով  միասնական տեղեկատվական ծառայություն 87 87 հեռախոսահամարով:

Թարմացվել է առ՝ 24-06-2024թ., 10:28