Ֆիզիկական անձանց ԱպահովագրությունԴԺԲԱԽՏ ՊԱՏԱՀԱՐՆԵՐԻՑ ԱՊԱՀՈՎԱԳՐՈՒՅԹՈՒՆ

ԴԺԲԱԽՏ ՊԱՏԱՀԱՐՆԵՐԻՑ ԱՊԱՀՈՎԱԳՐՈՒՅԹՈՒՆ

ԱՊԱՀՈՎԱԳՐՈՒԹՅԱՆ ՏԵՍԱԿԸ/ԴԱՍԵՐԸ

Ոչ կյանքի ապահովագրություն/ Դժբախտ պատահարներից ապահովագրություն

ԱՊԱՀՈՎԱԳՐՈՒԹՅԱՆ ՕԲՅԵԿՏՆԵՐ

18-ից մինչև 65 տարեկան (ներառյալ) գործունակ ֆիզիկական անձ հանդիսացող (անկախ որևէ հիվանդության կամ հաշմանդամության առկայությունից) «ՎՏԲ-Հայաստան Բանկ» ՓԲԸ-ի վարկառուները/համավարկառուները կամ գրավադրված գույքի սեփականատերերը:

ՈՐՏԵՂ Է ԳՈՐԾՈՒՄ ԱՊԱՀՈՎԱԳՐՈՒԹՅՈՒՆԸ

ՀՀ

ԱՊԱՀՈՎԱԳՐԱԿԱՆ ԳՈՒՄԱՐԻ ՉԱՓԸ

Համաձայն հաճախորդի վարկային պայմանագրի և/կամ հրապարակային օֆերտայի պայմանների:

ՈՐՔԱՆ Է ՉՀԱՏՈՒՑՎՈՂ ԳՈՒՄԱՐԸ

Յուրաքանչյուր դեպքի համար 20,000 ՀՀ դրամ:

ԱՊԱՀՈՎԱԳՐՈՒԹՅԱՆ ԺԱՄԿԵՏ

Ապահովագրության վկայագիրը կնքվում/վերակնքվում է վարկի գործողության ողջ ժամկետում, բացառությամբ վարկային պայմանագրով սահմանված դեպքերի:

ԱՊԱՀՈՎԱԳՐԱՎՃԱՐ

Համաձայն վարկային պայմանագրի` հաճախորդի կողմից ապահովագրավճար չի վճարվում:

ԻՆՉ ՓԱՍՏԱԹՂԹԵՐ Է ԱՆՀՐԱԺԵՇՏ ՆԵՐԿԱՅԱՑՆԵԼ ԱՊԱՀՈՎԱԳՐՈՒԹՅԱՆ ՎԿԱՅԱԳՐԻ ԿՆՔՄԱՆ ՀԱՄԱՐ

Ապահովագրությունն իրականացվում է «ՎՏԲ-Հայաստան Բանկ» ՓԲԸ-ի կողմից վարկային պայմանագրի տվյալների հիման վրա:

Համաձայն հաճախորդի դիմումի` կարող է տրամադրվել ապահովագրական վկայագրի կրկնօրինակը:

ԱՊԱՀՈՎԱԳՐՈՒԹՅԱՆ ՎԿԱՅԱԳՐԻ ՎԱՂԱԺԱՄԿԵՏ ԴԱԴԱՐԵՑՈՒՄԸ

Վարկային պայմանագրով նախատեսված մարման վերջնաժամկետից շուտ վարկի մարման դեպքում ապահովագրության վկայագիրը ևս վաղաժամկետ դադարեցվում է (կամավոր ապահովագրության դեպքում, եթե հաճախորդը հրաժարվում է «Վարկային հաշվի հավելյալ սպասարկման» ծառայությունից կամ վարկային պայմանագրի երկարաձգման ժամանակ «Վարկային հաշվի հավելյալ սպասարկման» ծառայությունը չի ընտրում, ապահովագրության վկայագիրը վաղաժամկետ դադարեցվում է):

ԻՆՉԻՑ Է ՊԱՇՏՊԱՆՈՒՄ ՊԱՅՄԱՆԱԳԻՐԸ

Ապահովագրական պատահարներ են համարվում`

Դժբախտ պատահարի հետևանքով`

Աշխատունակության ժամանակավոր կորուստ,
Հաշմանդամության I, II, III կարգ,
Մահ:

Ապահովագրական պատահարի հետևանքով հաճախորդին պատճառված վնասի գնահատման կարգը հետևյալն է`

Ապահովագրված անձի մահվան դեպքում վնասի չափը գնահատվում է ապահովագրական գումարի 100%-ի չափով,

Ապահովագրված անձի աշխատունակության մշտական կորստի դեպքում վնասի չափը գնահատվում է ՝

√ I կարգի հաշմանդամներին՝ ապահովագրական գումարի 100% -ի չափով,

√II կարգի հաշմանդամներին՝ ապահովագրական գումարի 85% -ի չափով,

√III կարգի հաշմանդամներին՝ ապահովագրական գումարի 70% -ի չափով,

Դժբախտ պատահարի հետևանքով աշխատունակության ժամանակավոր կորստի դեպքում վնասի չափը գնահատվում է անաշխատունակության յուրաքանչյուր օրացույցային օրվա համար ապահովագրական գումարի 0,4%-ի չափով առավելագույնը 90 օրվա կտրվածքով: Կախված ապահովագրական ընկերությունից՝ պայմաններով կարող է նախատեսվել, որպեսզի աշխատունակության ժամանակավոր կորստի դեպքում հատուցման ընդհանուր գումարը չգերազանցի ապահովագարական գումարի 50%-ը:

ԻՆՉԻՑ ՉԻ ՊԱՇՏՊԱՆՈՒՄ ՊԱՅՄԱՆԱԳԻՐԸ

Ցանկացած պարագայում հատուցման ենթակա չեն այն վնասները, որոնք առաջացել են հետևյալի արդյունքում.

Սահմանված ժամկետում ապահովագրական ընկերությունը և համապատասխան իրավասու մարմինները (Բժշկական հաստատություն, Ոստիկանություն և այլն) չեն տեղեկացվել ապահովագրական պատահարի մասին,
Ապահովագրական հայտի կարգավորման համար անհրաժեշտ փաստաթղթերը և տեղեկությունները ժամանակին չեն ներկայացվել, որոնք անհրաժեշտ են ապահովագրական պատահարի հայտանիշեր ունեցող իրադարձության բնույթի և պատճառների հաստատման համար կամ նախապես ներկայացվել են կեղծ ապացույցներ,
Ապահովագրված անձի կողմից ալկոհոլի, թմրադեղերի, հոգեմետ և այլ տոքսիկ նյութերի օգտագործման արդյունքում,
Ապահովագրված անձի կողմից ինքնասպանություն (ինքնասպանության փորձ) կատարելիս, բացառությամբ այն դեպքերի, երբ ապահովագրված անձը հասցվել է այդպիսի վիճակի այլ անձի կողմից,
Ապահովագրված անձի կողմից դիտավորյալ հանցանք գործելու կամ հանցագործության մեջ մասնակցելու,
Ապահովագրված անձի կողմից առանց համապատասխան դասի վարորդական իրավունքի տրանսպորտային միջոց վարելիս կամ ալկոհոլի, թմրադեղերի ազդեցության տակ տրանսպորտային միջոցը վարելիս,
Վտանգավոր սպորտաձևերով պրոֆեսիոնալ զբաղվելիս,
Միջուկային պայթյունի, ճառագայթման կամ ճառագայթումից վարակման արդյունքում,
Ռազմական գործողությունների, ժողովրդական հուզումների, քաղաքացիական պատերազմների,
Ապահովագրական ընկերության պայմաններով նախատեսված այլ դեպքերում:

ՀԱՃԱԽՈՐԴԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

Հաճախորդն իրավունք ունի`

Ծանոթանալ ապահովագրության պայմաններին,
Ապահովագրական պատահարի ի հայտ գալու դեպքում հանդես գալ որպես հատուցման գործընթացի անմիջական մասնակից, այդ թվում` անհապաղ տեղեկացնել ապահովագրական ընկերությանը պատահարի մասին, ներկայացնել դիմում-հայտ ապահովագրական հայցը կարգավորելու նպատակով,
Բողոքարկել ապահովագրական ընկերության կայացրած որոշումը,
Ապահովագրության պայմաններով սահմանված այլ դեպքեր:

Հաճախորդը պարտավոր է`

Ապահովագրական պատահարի տեղի ունենալու դեպքում անհապաղ հայտնել ապահովագրական ընկերությանը և համապատասխան իրավասու մարմիններին,
Ապահովագրական հատուցում ստանալու նպատակով ապահովագրական ընկերությանը պայմանագրում սահմանված ժամկետներում և կարգով ներկայացնել դիմում-հայտ և ապահովագրության պայմաններով սահմանված այլ անհրաժեշտ փաստաթղթեր,
Կատարել ՀՀ օրենսդրությամբ, պայմանագրով/վկայագրով և պայմաններով սահմանված այլ պարտավորությունները:

ԻՆՉ ՔԱՅԼԵՐ Է ԱՆՀՐԱԺԵՇՏ ՁԵՌՆԱՐԿԵԼ ՊԱՏԱՀԱՐԻ ԴԵՊՔՈՒՄ

Ապահովագրական պատահարի տեղի ունենալու դեպքում անհրաժեշտ է՝

Պատահարի տեղի ունենալուց կամ հայտնի դառնալու պահից հետո անհապաղ զանգահարել համապատասխան ապահովագրական ընկերության գործող շուրջօրյա հեռախոսահամարով և հայտնել պատահարի մասին (առավել մանրամասն համապատասխան ապահովագրական ընկերության հակիրճ տեղեկատվական թերթիկում),
Կատարել ապահովագրական ընկերության ցուցումները,
Համաձայն ցուցումների հնարավոր է անհրաժեշտություն առաջանա ներգրավել Ոստիկանությանը, ԱԻՆ կամ այլ իրավասու մարմինների:

Ապահովագրական հատուցում ստանալու համար անհրաժեշտ է՝

Պատահարի մասին ապահովագրական ընկերությանը տեղեկացնելուց հետո պայմանագրով սահմանված ժամկետներում ապահովագրական ընկերության գրասենյակում լրացնել հայտային դիմումը կամ լրացված դիմումի լուսապատճենն ուղարկել ապահովագրական ընկերության համապատասխան էլեկտրոնային հասցեին/Viber կամ WhatsApp բջջային հավելվածներին (ավելի մանրամասն համապատասխան ապահովագրական ընկերության հակիրճ տեղեկատվական թերթիկում),
Ներկայացնել անհրաժեշտ փաստաթղթերը (այդ թվում՝ անձնագիր կամ անձը նույնականացնող այլ փաստաթղթեր, իրավապահ մարմինների, բժշկական հաստատությունների և այլ կազմակերպությունների ու հաստատությունների կողմից տրամադրված փաստաթղթեր և այլն),
Սպասել ապահովագրական ընկերության հետագա ցուցումներին:

ԿԱՐԵՎՈՐ Է ԻՄԱՆԱԼ

Ապահովագրական ընկերության հատուցման որոշման հետ համաձայն չլինելու դեպքում Դուք իրավունք ունեք դիմել Ֆինանսական համակարգի հաշտարարին, Կենտրոնական բանկ, Դատարան/Արբիտրաժային դատարան:

Ապահովագրության պայմաններ

ՆԱԻՐԻ ԻՆՇՈՒՐԱՆՍ ԱՍՊԸ

ԼԻԳԱ ԻՆՇՈՒՐԱՆՍ ԱՓԲԸ

ՌԵԳՈ ԻՆՇՈՒՐԱՆՍ ԱՓԲԸ

Հակիրճ տեղեկատվական թերթիկ

ՆԱԻՐԻ ԻՆՇՈՒՐԱՆՍ ԱՍՊԸ

ԼԻԳԱ ԻՆՇՈՒՐԱՆՍ ԱՓԲԸ

ՌԵԳՈ ԻՆՇՈՒՐԱՆՍ ԱՓԲԸ

“ՎՏԲ - Հայաստան Բանկ” ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 15.09.2020թ.-ից)

“ՎՏԲ - Հայաստան Բանկ” ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 18.02.2022թ.-ից)

“ՎՏԲ - Հայաստան Բանկ” ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 28.11.2022թ.-ից)

«ՎՏԲ-Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 17.01.2023թ․-ից)