ՇԱՐԺԱԿԱՆ ԳՈՒՅՔԻ ԱՊԱՀՈՎԱԳՐՈՒԹՅՈՒՆ

ԱՊԱՀՈՎԱԳՐՈՒԹՅԱՆ ՏԵՍԱԿԸ/ԴԱՍԵՐԸ

Ոչ կյանքի ապահովագրություն/Հրդեհից և բնական աղետներից ապահովագրություն և գույքին հասցված այլ վնասներից ապահովագրություն

ԱՊԱՀՈՎԱԳՐՈՒԹՅԱՆ ՕԲՅԵԿՏՆԵՐ

• Էլեկտրական տեխնիկա, այդ թվում` համակարգիչներ,
• սանտեխնիկա,
• մարտկոցներ,
• կահույք:

ՈՐՏԵՂ Է ԳՈՐԾՈՒՄ ԱՊԱՀՈՎԱԳՐՈՒԹՅՈՒՆԸ

ՀՀ և ԼՂՀ

ԱՊԱՀՈՎԱԳՐԱԿԱՆ ԳՈՒՄԱՐԻ ՉԱՓԸ

Շարժական գույքի շուկայական (ձեռք բերման) արժեքի չափով:

ՈՐՔԱՆ Է ՉՀԱՏՈՒՑՎՈՂ ԳՈՒՄԱՐԸ

Ապահովագրական գումարի 1 %, սակայն ոչ պակաս, քան 5,000 ՀՀ դրամը:

ԱՊԱՀՈՎԱԳՐՈՒԹՅԱՆ ԺԱՄԿԵՏ

Ապահովագրության վկայագիրը կնքվում/վերակնքվում է վարկի գործողության ողջ ժամկետում՝ բացառությամբ վարկային պայմանագրով/հրապարակային օֆերտայով սահմանված դեպքերի:

ԱՊԱՀՈՎԱԳՐԱՎՃԱՐ

Համաձայն վարկային պայմանագրի` հաճախորդի կողմից ապահովագրավճար չի վճարվում:

ԻՆՉ ՓԱՍՏԱԹՂԹԵՐ Է ԱՆՀՐԱԺԵՇՏ ՆԵՐԿԱՅԱՑՆԵԼ ԱՊԱՀՈՎԱԳՐՈՒԹՅԱՆ ՎԿԱՅԱԳՐԻ ԿՆՔՄԱՆ ՀԱՄԱՐ

Ապահովագրությունն իրականացվում է «ՎՏԲ-Հայաստան Բանկ» ՓԲԸ-ի կողմից վարկային պայմանագրի տվյալների հիման վրա:

ԱՊԱՀՈՎԱԳՐՈՒԹՅԱՆ ՎԿԱՅԱԳՐԻ ՎԱՂԱԺԱՄԿԵՏ ԴԱԴԱՐԵՑՈՒՄԸ

Ապահովագրության վկայագիրը ևս վաղաժամկետ դադարեցվում է՝

• Վարկային պայմանագրով նախատեսված մարման վերջնաժամկետից շուտ վարկի մարման դեպքում,
• Եթե հաճախորդը հրաժարվում է «Վարկային հաշվի հավելյալ սպասարկման» ծառայությունից:

ԻՆՉԻՑ Է ՊԱՇՏՊԱՆՈՒՄ ՊԱՅՄԱՆԱԳԻՐԸ

Ապահովագրական պատահարներ են համարվում`

• Հրդեհ, պայթյուն, կայծակի հարված,
• Վնասվածք ջրից,
• Տարերային աղետներ (բացառությամբ երկրաշարժի), այդ թվում՝ հողմ, փոթորիկ, մրրիկ, հողմապտույտ, ջրհեղեղ, հրաբխի ժայթքում կամ ստորգետնյա բնական կրակի ներգործություն, սողանք, հեղեղ, լեռնային փլուզում,
• Մեխանիկական վնասներ,
• Կոտրանքով գողություն, ավազակություն,
• Երրորդ անձանց հակաօրինական գործողություններ,
• Էլեկտրական սարքավորումների վթար:

Ապահովագրական պատահարի հետևանքով շարժական գույքին պատճառված վնասի գնահատման կարգը հետևյալն է`

• Ապահովագրական հատուցման վճարումը իրականացվում է ապահովագրական պատահարի արդյունքում փոխարինման կամ վերականգման ենթակա գույքի, դրա կառուցվածքային մասերի, նյութերի մաշվածության տոկոսի հաշվմամբ:
• Ապահովագրական հատուցումը վճարվում է`

            √ Գույքի լրիվ ոչնչացման դեպքում` իրական արժեքի չափով` հանելով մնացորդների արժեքը,

             √Գույքի մասնակի վնասման դեպքում` վերականգնման ծախսերի չափով, հանելով վերականգնողական աշխատանքների իրականացման ընթացքում փոխարինված մասերը և  մաշվածությունը, սակայն ապահովագրական գումարից ոչ ավել:

• Վերականգման ծախսերը  ներառում են`

            √ Վերանորոգման համար նյութերի,  պահեստամասերի և սարքավորումների ծախսերը,

            √ Վերանորոգման աշխատանքների վարձատրման ծախսերը,

            √ Նյութերը վերանորոգման վայր հասցնելու ծախսերը և այլ ծախսեր անհրաժեշտ ապահովագրված գույքի վերականգնման և նախնական տեսքի բերելու համար:

ԻՆՉԻՑ ՉԻ ՊԱՇՏՊԱՆՈՒՄ ՊԱՅՄԱՆԱԳԻՐԸ

Ցանկացած պարագայում հատուցման ենթակա չեն այն վնասները, որոնք առաջացել են հետևյալի արդյունքում.

• Ջերմային վերամշակման ընթացքում գույքին հասցված վնասը,
• Սարքավորման արտադրման և/կամ մոնտաժման կամ տեղադրման ժամանակ թույլ տրված սխալների հետևանքով գույքին հասցված վնասը,
• Գործարկման-փորձարկման ժամանակ թույլ տրված սխալների հետևանքով գույքին հասցված վնասը,
• Բնական մաշվածությունը, կոռոզիայի ազդեցությունը, ապրանքային արժեքի կորուստը, արտադրական (գործարանային) խոտանը,
• Գույքի դետալների վերանորոգումը կամ փոխարինումը, եթե դրանց վնասումը ապահովագարական պատահարի արդյունք չէ, կամ աշխատանքների իրականացումը, որոնց տեխնոլոգիական անհրաժեշտությունը չի եղել,
• Էլեկտրոնային տվյալներին և/կամ ծրագրերին (այդ թվում` համակարգչային) պատճառված վնասը,
• Ծրագրային սխալների կամ ծրագիր ոչ արտոնված մուտք գործելու հետևանքով պատճառված վանսը,
• Խոնավության, բորբոսի, գոլորշիների ազդեցության հետևանքով պատճառված վնասը, ջերմաստիճանի կամ ջերմային ռեժիմի չպահպանման, փոփոխման հետևանքով հասցված վնասը,
• Գույքի վարձակալության պայմանագրով վարձակալի գործողությունների (անգործության) արյունքում առաջացած վնասը կամ կորուսը,
• Բաց թողնված օգուտը, վարձակալված գույքի օգտագործման վճարը, գույքի օգտագործման անհնարինության հետևանքով առաջացած ծախսերը և այլն,
• Վնաս, որը հասցվել է գույքի սեփականատիրոջ (ապահովագրված անձի) կամ նրա հարազատների կողմից կամ մասնակցությամբ,
• Ապահովագրված գույքի ներկաշերտի վնասվածքը, քերծվածքները, բծերը և այլն,
• «ԻՆԳՈ ԱՐՄԵՆԻԱ» ԱՓԲԸ-ի Խորհրդի կողմից 28.06.13թ. հաստատված «Հրդեհից և այլ վտանգներից գույքի ապահովագրության կանոններ»-ում սահմանված այլ դեպքերում:

ՀԱՃԱԽՈՐԴԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

Հաճախորդն իրավունք ունի`

• Ծանոթանալ  ապահովագրության պայմաններին,
• Ապահովագրական պատահարի ի հայտ գալու դեպքում հանդես գալ որպես հատուցման գործընթացի անմիջական մասնակից, այդ թվում` անհապաղ տեղեկացնել ապահովագրական ընկերությանը պատահարի մասին, ներկայացնել դիմում-հայտ ապահովագրական հայցը կարգավորելու նպատակով,
• Բողոքարկել ապահովագրական ընկերության կայացրած որոշումը,
• Բանկի ներքին իրավական ակտերով նախատեսված դեպքերում ստանալ ապահովագրական հատուցում,
• Ապահովագրության պայմաններով սահմանված այլ դեպքեր:

Հաճախորդը պարտավոր է`

• Ապահովագրական պատահարի տեղի ունենալու դեպքում անհապաղ հայտնել ապահովագրական ընկերությանը և համապատասխան իրավասու մարմիններին,
• Ապահովագրական հատուցում ստանալու նպատակով ապահովագրական ընկերությանը պայմանագրում սահմանված ժամկետներում և կարգով ներկայացնել դիմում-հայտ և ապահովագրության պայմաններով սահմանված այլ անհրաժեշտ փաստաթղթեր,
• Իրականացնել բոլոր հնարավոր միջոցառումները վնասների կանխման կամ փոքրացման, ինչպես նաև ապահովագրված գույքի փրկման ուղղությամբ
• Տրամադրել ապահովագրական պատահարի ի հայտ գալու փաստը հաստատող լիազորված մարմինների տեղեկանքներ,
• Ձեռնարկել բոլոր անհրաժեշտ քայլերը պարզելու ապահովագրական պատահար դիտարկվող դեպքի պատճառները, ընթացքը և հետևանքները,
• Ապահովագրական ընկերությանը հնարավորություն տալ անցկացնելու վնասված գույքի զննում, ապահովագրական պատահարի պատճառների հետաքննություն և պատճառված վնասի չափի որոշում,
• Ապահովագրական ընկերության պահանջով իրեն գրավոր ներկայացնել ապահովագրված գույքի վնասման կամ ոչնչացման պատճառները և չափերը պարզելու համար անհրաժեշտ ամբողջ ինֆորմացիան,
• Թողնել վնասված գույքը անփոփոխ վիճակում և փոխել ապահովագրական պատահարի պատկերը, միայն եթե դա թելադրված է անվտանգության նկատառումներով կամ վնասի չափի փոքրացմամբ: Հաճախորդն իրավունք ունի փոխելու ապահովագրական պատահարի պատկերն ապահովագրական ընկերության համաձայնությամբ կամ ապահովագրական պատահարի մասին տեղեկացնելու երկուշաբաթյա ժամկետը լրանալուց հետո` նախապես ամրագրելով ապահովագրական պատահարի պատկերը տեսախցիկի կամ ֆոտոխցիկի միջոցով,
• Կատարել ՀՀ օրենսդրությամբ, պայմանագրով/վկայագրով և պայմաններով սահմանված այլ պարտավորությունները:

ԻՆՉ ՔԱՅԼԵՐ Է ԱՆՀՐԱԺԵՇՏ ՁԵՌՆԱՐԿԵԼ ՊԱՏԱՀԱՐԻ ԴԵՊՔՈՒՄ

Ապահովագրական պատահարի տեղի ունենալու դեպքում անհրաժեշտ է՝

• Զանգահարել + (374 10) 59 21 21  հեռախոսահամարով և կատարել ապահովագրական ընկերության ցուցումները,
• Հայտնել պատահարի մասին համապատասխան իրավասու մարմիններին (գողության, կոտրանքի, թալանի կամ երրորդ անձանց կողմից գույքի կանխամտածված (միտումնավոր) ոչնչացման կամ վնաս հասցնելու դեպքում` Ոստիկանություն, հրդեհի դեպքում՝ ԱԻՆ և այլն),
• Ձեռնարկել բոլոր հնարավոր ողջամիտ և տվյալ պայմաններում հասանելի միջոցներն ապահովագրության օբյեկտի հետագա վնասումը կանխելու և վնասի չափը նվազեցնելու համար:

Ապահովագրական հատուցում ստանալու համար անհրաժեշտ է`

• Պատահարի մասին ապահովագրական ընկերությանը տեղեկացնելուց հետո դիմել ապահովագրական ընկերության զանգերի կենտրոն հատուցման դիմում լրացնելու նպատակով և լրացված դիմումի լուսապատճենը կամ լուսանկարն ուղարկել dimum@ingoarmenia.am էլ.հասցեին կամ  VIBER հավելվածով`  (+374 44) 410 723 հեռախոսահամարին,
• Ներկայացնել անհրաժեշտ փաստաթղթերը (այդ թվում՝ անձնագիր կամ անձը հաստատող այլ փաստաթղթեր, ապահովագրական պատահարի տեղի ունենալու փաստը հաստատող տեղեկանք` տրամադրված համապատասխան իրավասու մարմնի կամ ապահովագրական ընկերության կողմից լիազորված փորձագետների կողմից, վնասի չափը հաստատող փաստաթղթեր և այլն),
• Սպասել ապահովագրական ընկերության հետագա ցուցումներին,
• Հատուցման կամ մերժման որոշումը կայացվում է հայտի կարգավորման համար բոլոր անհրաժեշտ փաստաթղթերը ստանալու պահից 30 օրվա ընթացքում,
• Հատուցման գումարը վճարվում  է հատուցման որոշում կայացնելուց հետո 30 օրվա ընթացքում:

ԿԱՐԵՎՈՐ Է ԻՄԱՆԱԼ

• Մինչև  ապահովագրական հատուցման գործընթացի վերջնական կարգավորումը առանց ապահովագրական ընկերության համաձայնության չի թույլատրվում իրականացնել ապահովագրված գույքի վերանորոգման որևէ աշխատանք, անհրաժեշտ է պահպանել վնասված գույքի մասերը կամ մնացորդները,
• Ապահովագրական ընկերության հատուցման որոշման հետ համաձայն չլինելու դեպքում Դուք իրավունք ունեք դիմել Ֆինանսական համակարգի հաշտարարին, Կենտրոնական բանկ, Դատարան/Արբիտրաժային դատարան:

Ապահովագրության պայմաններ

Հակիրճ տեղեկատվական թերթիկ

«ՎՏԲ - Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 02.02.2024թ.-ից)