Անշարժ գույքի ապահովագրություն (վարկի գրավ)

ԻՆՉԻՑ Է ՊԱՇՏՊԱՆՈՒՄ ՊԱՅՄԱՆԱԳԻՐԸ

Ապահովագրական պատահարներ են համարվում`

• Հրդեհ, կայծակի հարված, պայթյուն,
• Ջրից առաջացած վնաս,
• Տարերային աղետներ (բացառությամբ երկրաշարժի),
• Մեխանիկական վնասներ,
• Երրորդ անձանց հակաօրինական գործողություններ և այլն:

Ապահովագրական պատահարի հետևանքով անշարժ գույքին պատճառված վնասի գնահատման կարգը հետևյալն է`

• Անշարժ գույքի ամբողջական կորստի (ոչնչացման) դեպքում ապահովագրական հատուցումը վճարվում է ապահովագրական գումարի չափով,
• Անշարժ գույքի մասնակի վնասի դեպքում ապահովագրական հատուցումը վճարվում է վերականգնման ծախսերի չափով, բայց ոչ ավել, քան ապահովագրական գումարը և ապահովագրված գույքի իրական (շուկայական) արժեքը,
• Վերականգնման ծախսերն իրենց մեջ ներառում են վերանորոգման համար անհրաժեշտ նյութերի և պահեստամասերի ծախսերը, վերանորոգման աշխատանքների ծախսերը, մինչև վերանորոգման վայր նյութերի առաքման ծախսերը և այլն:

ԻՆՉԻՑ ՉԻ ՊԱՇՏՊԱՆՈՒՄ ՊԱՅՄԱՆԱԳԻՐԸ

Ցանկացած պարագայում հատուցման ենթակա չեն այն վնասները, որոնք առաջացել են հետևյալի արդյունքում.

• Սահմանված ժամկետում ապահովագրական ընկերությունը և համապատասխան իրավասու մարմինները չեն տեղեկացվել ապահովագրական պատահարի մասին,
• Գույքի սեփականատիրոջ/լիազորված օգտագործողի կողմից խախտվել են ապահովագրության պայմաններով սահմանված պարտավորություններից որևէ մեկը, ինչի արդյունքում հնարավոր չի եղել որոշել ապահովագրական պատահարի հանգամանքները կամ պատճառը կամ հնարավոր մեղավոր անձանց կամ վնասի չափը,
• Միջուկային պայթյունի, ճառագայթման կամ ռադիոակտիվ վարակման ուղղակի կամ անուղղակի ազդեցություն,
• Ռազմական գործողություններ, զորաշարժեր կամ այլ ռազմական միջոցառումներ, քաղաքացիական պատերազմներ, ժողովրդական հուզումներ, գործադուլներ, ահաբեկչական գործողություններ,
• Ապահովագրական ընկերության պայմաններով նախատեսված այլ դեպքերում:

Հաճախորդն իրավունք ունի`

• Ծանոթանալ  ապահովագրության պայմաններին,
• Ապահովագրական պատահարի ի հայտ գալու դեպքում հանդես գալ որպես հատուցման գործընթացի անմիջական մասնակից, այդ թվում` անհապաղ տեղեկացնել ապահովագրական ընկերությանը պատահարի մասին, ներկայացնել դիմում-հայտ ապահովագրական հայցը կարգավորելու նպատակով,
• Բողոքարկել ապահովագրական ընկերության կայացրած որոշումը,
• Ապահովագրության պայմաններով սահմանված այլ դեպքեր:

Հաճախորդը պարտավոր է`

• Ապահովագրական պատահարի տեղի ունենալու դեպքում անհապաղ հայտնել ապահովագրական ընկերությանը և համապատասխան իրավասու մարմիններին,
• Ապահովագրական հատուցում ստանալու նպատակով ապահովագրական ընկերությանը պայմանագրում սահմանված ժամկետներում և կարգով ներկայացնել դիմում-հայտ և ապահովագրության պայմաններով սահմանված այլ անհրաժեշտ փաստաթղթեր,
• Հետևել հակահրդեհային անվտանգության, շահագործման, տեխնիկական սպասարկման կանոններին, ժամանակին իրականացնել անհրաժեշտ վերանորոգման և կանխարգելիչ աշխատանքները,
• Ձեռնարկել խելամիտ և հասանելի միջոցառումներ հնարավոր վնասների կանխարգելման կամ նվազեցման համար,
• Կատարել ՀՀ օրենսդրությամբ, պայմանագրով/վկայագրով և պայմաններով սահմանված այլ պարտավորությունները:

ԻՆՉ ՔԱՅԼԵՐ Է ԱՆՀՐԱԺԵՇՏ ՁԵՌՆԱՐԿԵԼ ՊԱՏԱՀԱՐԻ ԴԵՊՔՈՒՄ

Ապահովագրական պատահարի տեղի ունենալու դեպքում անհրաժեշտ է՝

• Պատահարի տեղի ունենալուց կամ հայտնի դառնալու պահից հետո անհապաղ զանգահարել համապատասխան ապահովագրական ընկերության գործող շուրջօրյա հեռախոսահամարով և հայտնել պատահարի մասին (առավել մանրամասն համապատասխան ապահովագրական ընկերության հակիրճ տեղեկատվական թերթիկում),
• Պատահարի մասին անմիջապես հայտնել համապատասխան իրավասու մարմնին (գողության, կոտրանքի, թալանի կամ երրորդ անձանց կողմից գույքի կանխամտածված (միտումնավոր) ոչնչացման կամ վնաս հասցնելու դեպքում` Ոստիկանություն, հրդեհի դեպքում՝ ԱԻՆ և այլն),
• Ձեռնարկել բոլոր հնարավոր ողջամիտ և տվյալ պայմաններում հասանելի միջոցները գույքի հետագա վնասումը կանխելու և վնասի չափը նվազեցնելու համար,
• Կատարել ապահովագրական ընկերության ցուցումները:

Ապահովագրական հատուցում ստանալու համար անհրաժեշտ է՝

• Պատահարի մասին ապահովագրական ընկերությանը տեղեկացնելուց հետո պայմանագրով սահմանված ժամկետներում ապահովագրական ընկերության գրասենյակում լրացնել հայտային դիմումը կամ լրացված դիմումի լուսապատճենն ուղարկել ապահովագրական ընկերության համապատասխան էլեկտրոնային հասցեին/Viber կամ WhatsApp բջջային հավելվածներին (ավելի մանրամասն համապատասխան ապահովագրական ընկերության հակիրճ տեղեկատվական թերթիկում),
• Ներկայացնել անհրաժեշտ փաստաթղթերը  (այդ թվում՝ անձնագիր կամ անձը նույնականացնող այլ փաստաթղթեր, գույքի նկատմամբ իրավունքները հավաստող փաստաթղթեր, ապահովագրական պատահարի տեղի ունենալու փաստը հաստատող և ապահովագրական պատահարի տեղի ունենալու ամսաթվի, պատճառների, բնույթի, վնասի չափի և մեղավոր անձանց մասին տեղեկություններ պարունակող տեղեկանքներ կամ այլ փաստաթղթեր` տրամադրված համապատասխան իրավասու մարմինների կողմից (ԱԻՆ, ՀՀ Ոստիկանություն և այլն) և այլն),
• Սպասել ապահովագրական ընկերության հետագա ցուցումներին:

ԿԱՐԵՎՈՐ Է ԻՄԱՆԱԼ

• Շարժական գույքին (կահույք, տեխնիկա և այլն) պատճառված վնասները չեն հատուցվում,
• Ապահովագրական ընկերության հատուցման որոշման հետ համաձայն չլինելու դեպքում Դուք իրավունք ունեք դիմել Ֆինանսական համակարգի հաշտարարին, Կենտրոնական բանկ, Դատարան/Արբիտրաժային դատարան:

Ապահովագրության պայմաններ

ՆԱԻՐԻ ԻՆՇՈՒՐԱՆՍ ԱՍՊԸ 

ԼԻԳԱ ԻՆՇՈՒՐԱՆՍ ԱՓԲԸ

ՌԵԳՈ ԻՆՇՈՒՐԱՆՍ ԱՓԲԸ

ԻՆԳՈ ԱՐՄԵՆԻԱ ԱՓԲԸ

Հակիրճ տեղեկատվական թերթիկ

ՆԱԻՐԻ ԻՆՇՈՒՐԱՆՍ ԱՍՊԸ

ԼԻԳԱ ԻՆՇՈՒՐԱՆՍ ԱՓԲԸ

ՌԵԳՈ ԻՆՇՈՒՐԱՆՍ ԱՓԲԸ

ԻՆԳՈ ԱՐՄԵՆԻԱ ԱՓԲԸ

«ՎՏԲ - Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 16.04.2025թ.-ից)