Նորություններ

ՎՏԲ-Հայաստան Բանկի շահույթն ավելացել է ավելի քան երեք անգամ

2020 թվականի երկրորդ եռամսյակի արդյունքներով` ՎՏԲ-Հայաստան Բանկի չբաշխված շահույթի ծավալը կազմել է 1,7 մլրդ ՀՀ դրամ, ինչը 3,6 անգամ գերազանցում է անցած տարվա ապրիլ-հունիս ամիսների ցուցանիշը։ Բանկը, չբաշխված շահույթի ծավալով, ՀՀ բանկային համակարգում զբաղեցնում է 3-րդ տեղը, և առաջին տեղը` ցուցանիշի աճի տեմպով: Բանկին առաջատար դիրքեր ապահոված գործոններից մեկը ֆիզիկական անձանց վարկային պորտֆելի աճն է։ Երկրորդ եռամսյակի ընթացքում այն ավելացել է 6,2%-ով և կազմել 180 մլրդ. ՀՀ դրամ։ Դրական արդյունք է ապահովել նաև կոմիսիոն պրոդուկտների և տրանզակցիոն բիզնեսի արագ զարգացումն՝ ի հաշիվ ակտիվ քարտերի (380 հազ. քարտ) և աշխատավարձային քարտերի քանակի (95 հազ. քարտ) աճի: Քարտերի ընդհանուր շրջանառությունը հաշվետու ժամանակահատվածում աճել է 10%-ով և կազմել 74,8 մլրդ. ՀՀ դրամ։